ശ്രീമൂലനഗരത്ത് സൂപ്പര്‍ മാര്‍ക്കറ്റിൽ മോഷണം നടത്തിയ പ്രതികളെന്ന് സംശയിക്കുന്നവരുടെ സി.സി ടി.വി ദൃശ്യം
ശ്രീമൂലനഗരം: ശ്രീമൂലനഗരം ജങ്ഷനിലെ സൂപ്പര്‍മാര്‍ക്കറ്റില്‍ ശക്തമായ മഴ സമയത്ത് മോഷണം. കടയുടെ പിന്നിലെ വാതില്‍ തകര്‍ത്താണ് മോഷ്ടാക്കള്‍ കയറിയത്. അന്തർ സംസ്ഥാനക്കാരാണ് മോഷ്ടാക്കളെന്ന് സംശയിക്കുന്നതായി പൊലീസ് പറഞ്ഞു.
രണ്ടോ അതിലധികമോ ആളുകള്‍ ഉണ്ടെന്നാണ് നിഗമനം. പണം നഷ്ടപ്പെട്ടിട്ടുണ്ട്. കാഷ് ബോക്‌സ് കുത്തിപ്പൊളിക്കുകയും സി.സി ടി.വി തിരിച്ചുവെക്കുകയും ചെയ്തിട്ടുണ്ട്. സി.സി ടി.വിയില്‍ ഉള്‍പ്പെട്ട രണ്ടുപേരെക്കുറിച്ച് പൊലീസ് അന്വേഷിച്ചുവരുന്നു.
മഴയുടെ മറവിൽ നടന്ന മോഷണങ്ങളില്‍ റെസി. അസോസിയേഷന്‍ കൂട്ടായ്മയായ എഡ്രാക്ക് ശ്രീമൂലനഗരം പഞ്ചായത്ത് കമ്മിറ്റി ആശങ്ക അറിയിച്ചു. പ്രതികളെ എത്രയും വേഗം കണ്ടെത്തണമെന്നും പൊലീസിന്റെ രാത്രിപട്രോളിങ് ശക്തിപ്പെടുത്തണമെന്നും കമ്മിറ്റി ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.