പിടിയിലായ പ്രതികൾ
കണ്ണൂർ: കടം വാങ്ങിയ പണം തിരിച്ചുകൊടുക്കാത്തതിന്റെ വിരോധത്തിൽ യുവാവിനെയും കുടുംബത്തെയും താവക്കര ഐ.ഒ.സിക്ക് സമീപം കാറിൽ തട്ടിെക്കാണ്ടുപോകാൻ ശ്രമിച്ച മൂന്നുപേർ അറസ്റ്റിൽ. കാസർകോട് വിദ്യാനഗർ സ്വദേശികളായ ടി.എ. സമീർ (34), എം. അബ്ദുല്ല (41), കുമ്പള സ്വദേശി എം.കെ. സെയ്ദലി (30) എന്നിവരെയാണ് കണ്ണൂർ ടൗൺ ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിൽ അറസ്റ്റ് ചെയ്തത്.
വെള്ളിയാഴ്ച വൈകീട്ട് ഏഴിനാണ് കാസർകോട് വിദ്യാനഗർ സ്വദേശി പി. മുഹമ്മദ് ഷാബിറിനെയും ഭാര്യയെയും മൂന്ന് വയസ്സുകാരൻ മകനെയും താവക്കരയിലെ താമസ സ്ഥലത്ത് നിന്നും മർദിച്ച് ബലമായി കാറിൽ തട്ടിക്കൊണ്ടുപോവാൻ ശ്രമിച്ചത്. ബഹളം കേട്ട് നാട്ടുകാർ ഓടിക്കൂടിയപ്പോൾ സംഘം കാറിൽ രക്ഷപ്പെടുകയായിരുന്നു. സംഭവമറിഞ്ഞ് സ്ഥലത്തെത്തിയ പൊലീസ് സി.സി.ടി.വി ദൃശ്യങ്ങൾ പരിശോധിച്ചു.
എസ്.ഐമാരായ സവ്യസാചി, ഷമീൽ എന്നിവരുടെ നേതൃത്വത്തിലാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.