അറസ്റ്റിലായവർ
പാലാ: പ്രണയംനടിച്ച് എട്ടാംക്ലാസ് വിദ്യാർഥിയെ ബസിനുള്ളിൽ പീഡിപ്പിക്കാൻ ശ്രമിച്ച കേസിൽ കണ്ടക്ടർ അറസ്റ്റിൽ. ഇയാളെ സഹായിച്ച ഡ്രൈവറും പിടിയിലായി. കോട്ടയം സംക്രാന്തി തുണ്ടിപ്പറമ്പിൽ അഫ്സലിനെയാണ് (31) പാലാ എസ്.എച്ച്.ഒ കെ.പി. തോംസൺ അറസ്റ്റ് ചെയ്തത്.
വിവാഹിതനായ പ്രതി വിദ്യാർഥിനിയെ പ്രണയംനടിച്ച് വശീകരിക്കുകയായിരുന്നു. ശനിയാഴ്ച ഉച്ചയ്ക്ക് ഒരുമണിയോടെ സ്കൂൾ കഴിഞ്ഞ് വിദ്യാർഥിനി പ്രതിയുടെ ആവശ്യപ്രകാരം കൊട്ടാരമറ്റം ബസ് സ്റ്റാൻഡിൽ എത്തുകയായിരുന്നു. ഇവിടെവെച്ചാണ് ബസിൽ പീഡനശ്രമം നടന്നത്.
പാലാ ഡിവൈ.എസ്.പി ഷാജു ജോസിന് ലഭിച്ച രഹസ്യവിവരത്തെ തുടർന്ന് പാലാ എസ്.എച്ച്.ഒ കെ.പി. തോംസന്‍റെ നേതൃത്വത്തിലുള്ള പാലാ പൊലീസ് ബസിനുള്ളിൽനിന്ന് കുട്ടിയെയും പ്രതിയെയും കണ്ടെത്തുകയായിരുന്നു.
തുടർന്ന് ഒത്താശ ചെയ്തുകൊടുത്ത കട്ടപ്പന സ്വദേശിയായ ഡ്രൈവർ എബിനെയും പൊലീസ് സ്റ്റാൻഡിനുള്ളിൽനിന്ന് പിടികൂടി. ഒരാൾ ഓടിരക്ഷപ്പെട്ടു. ബസ് കസ്റ്റഡിയിലെടുത്തു. കുട്ടിയെ പൊലീസ് കൗൺസിലിങ്ങിന് വിധേയമാക്കി. എസ്.ഐ എം.ഡി. അഭിലാഷ്, എ.എസ്.ഐമാരായ ബിജു കെ.തോമസ്, സീനിയർ സിവിൽ പൊലീസ് ഓഫിസർ ഷെറിൻ സ്റ്റീഫൻ, ബീനാമ്മ, സി.പി.ഒമാരായ രഞ്ജിത്, ലക്ഷ്മി, രമ്യ എന്നിവർ ചേർന്നാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.