പ്രണയംനടിച്ച് ജീവനക്കാരി​യെ പീഡിപ്പിച്ച് ദൃശ്യം പകർത്തിയ യുവാവ് അറസ്റ്റിൽ

കൊ​ച്ചി: പ്ര​ണ​യം ന​ടി​ച്ച് ജീ​വ​ന​ക്കാ​രി​യെ പീ​ഡി​പ്പി​ച്ച് ദൃ​ശ്യ​ങ്ങ​ൾ പ​ക​ർ​ത്തി​യ കേ​സി​ൽ യു​വാ​വ് അ​റ​സ്റ്റി​ൽ. തൃ​പ്പൂ​ണി​ത്തു​റ എ​രൂ​ർ സ്വ​ദേ​ശി സെ​ൽ​വ​രാ​ജാ​ണ് (40) പി​ടി​യി​ലാ​യ​ത്. ക​ലൂ​രി​ൽ ക​ട​മി​ട​പാ​ട് സ്ഥാ​പ​ന​ത്തി​ന്‍റെ എം.​ഡി​യാ​ണി​യാ​ൾ. ആ​ലു​വ സ്വ​ദേ​ശി​നി​യു​ടെ പ​രാ​തി​യി​ൽ ക​ട​വ​ന്ത്ര പൊ​ലീ​സാ​ണ് അ​റ​സ്റ്റ് ചെ​യ്ത​ത്.

സം​ഭ​വ​ത്തെ​ക്കു​റി​ച്ച് പൊ​ലീ​സ് പ​റ​യു​ന്ന​ത്: ക​ഴി​ഞ്ഞ വ​ർ​ഷ​മാ​ണ് സെ​ൽ​വ​രാ​ജ് ക​ലൂ​രി​ൽ സ്ഥാ​പ​നം തു​ട​ങ്ങു​ന്ന​ത്. പ്ര​ണ​യം ന​ടി​ച്ച സെ​ൽ​വ​രാ​ജ് ക​ഴി​ഞ്ഞ വ​ർ​ഷം ജൂ​ണി​ൽ യു​വ​തി​യെ ആ​ദ്യം സ്ഥാ​പ​ന​ത്തി​ൽ​വെ​ച്ച്​ പി​ഡി​പ്പി​ച്ചു. തു​ട​ർ​ന്ന്​ ദൃ​ശ്യ​ങ്ങ​ൾ മൊ​ബൈ​ലി​ൽ പ​ക​ർ​ത്തി. പി​ന്നീ​ട്​ ക്ല​സ്റ്റ​ർ മീ​റ്റി​ങ്​ എ​ന്ന വ്യാ​ജേ​ന വ​യ​നാ​ട്ടി​ല​ട​ക്കം എ​ത്തി​ച്ച് പീ​ഡ​ന​ത്തി​ന് ഇ​ര​യാ​ക്കി. ദൃ​ശ്യ​ങ്ങ​ൾ​കാ​ട്ടി ഭീ​ഷ​ണി​പ്പെ​ടു​ത്തി​യാ​യി​രു​ന്നു പീ​ഡ​നം. വി​വ​രം പു​റ​ത്തു​പ​റ​ഞ്ഞാ​ൽ കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി. ഇ​തി​നി​ടെ യു​വ​തി വി​വാ​ഹി​ത​യാ​യി. തു​ട​ർ​ന്ന് ചി​ത്ര​ങ്ങ​ൾ പു​റ​ത്തു​വി​ടു​മെ​ന്നും പ​ണം ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടു. പ​ണ​ത്തി​ന് പ​ക​രം സ്വ​ർ​ണം ന​ൽ​കി​യെ​ങ്കി​ലും ഭീ​ഷ​ണി തു​ട​ർ​ന്നു. ഇ​തോ​ടെ യു​വ​തി പൊ​ലീ​സി​ൽ പ​രാ​തി​പ്പെ​ടു​ക​യാ​യി​രു​ന്നു.

ക​ട​വ​ന്ത്ര എ​സ്.​എ​ച്ച്.​ഒ എം. ​അ​ൻ​വ​റി​ന്‍റെ നേ​തൃ​ത്വ​ത്തി​ൽ എ​സ്.​ഐ മി​ഥു​ൻ, എ​സ്.​സി.​പി.​ഒ ദി​ലീ​പ്, സി.​പി.​ഒ ഉ​ണ്ണി​കൃ​ഷ്ണ​ൻ എ​ന്നി​വ​ർ ചേ​ർ​ന്നാ​ണ് ക​ലൂ​രി​ലെ ഓ​ഫി​സി​ൽ​നി​ന്ന് പ്ര​തി​യെ പി​ടി​കൂ​ടി​യ​ത്.