നൗഫൽ, അജീഷ്
കൽപകഞ്ചേരി: ആന്ധ്രയിൽനിന്ന് കൊണ്ടുവന്ന എട്ട് കിലോ കഞ്ചാവുമായി രണ്ടുപേരെ പുത്തനത്താണിയിൽ പൊലീസ് പിടികൂടി. താനൂർ പുതിയ കടപ്പുറം സ്വദേശി കുഞ്ഞിൻകടവത്ത് വീട്ടിൽ നൗഫൽ (28), താനൂർ എടക്കടപ്പുറം സ്വദേശി മമ്മാലിന്റെപുരയ്ക്കൽ അജീഷ് എന്ന സഹൽ (28) എന്നിവരെയാണ് കൽപകഞ്ചേരി സബ് ഇൻസ്പെക്ടർ ജലീൽ കറുത്തേടത്തും താനൂർ ഡാന്‍സാഫ് സ്ക്വാഡ് സംഘവും അറസ്റ്റ് ചെയ്തത്.
പൊലീസിനെ കണ്ട പ്രതികൾ ഓടിരക്ഷപ്പെടാൻ ശ്രമിച്ചെങ്കിലും ബസ് സ്റ്റാൻഡിലെ ആളൊഴിഞ്ഞ കെട്ടിടത്തിന് സമീപത്തുവെച്ച് പിടികൂടുകയായിരുന്നു. സീനിയർ സിവിൽ പൊലീസ് ഓഫിസർ പി. സുജിത്ത്, സി.പി.ഒമാരായ രജിത്ത്, റോയി, ഷെറിൻ, സുധീർ, ഡാന്‍സാഫ് സ്ക്വാഡ് അംഗങ്ങളായ അഭിമന്യു, ജിനീഷ്, ആൽബിൻ, വിപിൻ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.