ജിജി കുര്യന്‍, ജിന്‍സ്
പാലാ: ട്രാഫിക് ഡ്യൂട്ടി ചെയ്തിരുന്ന സ്‌പെഷല്‍ പൊലീസ് ഓഫിസറെ ആക്രമിച്ച കേസില്‍ രണ്ടുപേർ അറസ്റ്റിൽ. കുമരകം പുതിയ പറമ്പില്‍ ജിജി കുര്യന്‍ (37), കൊണ്ടൂര്‍ ചേറ്റുതോട് ഭാഗത്ത് തെക്കേല്‍ ജിന്‍സ് (31) എന്നിവരെയാണ് പാലാ പൊലീസ് അറസ്റ്റ് ചെയ്തത്.
ഇവര്‍ കഴിഞ്ഞദിവസം കടപ്പാട്ടൂര്‍ ജങ്ഷനില്‍ ട്രാഫിക് നിയന്ത്രിക്കുകയായിരുന്ന അഖില്‍ ബെന്നി എന്ന സ്‌പെഷല്‍ പൊലീസ് ഓഫിസറെയാണ് ആക്രമിച്ചത്. ബൈപാസ് റോഡില്‍നിന്ന് മെയിന്‍ റോഡിലേക്ക് കാര്‍ കയറ്റി വിടാന്‍ താമസിച്ചതിന്‍റെ പേരിലായിരുന്നു ആക്രമണം.
ഇവര്‍ ഇരുവരും പാലാ ഇന്‍ഡസ് ഇന്‍ഡ് ബാങ്ക് ജീവനക്കാരാണ്. എസ്.എച്ച്.ഒ കെ.പി. ടോംസണ്‍, എസ്.ഐ അഭിലാഷ് എം.ഡി, സി.പി.ഒ മാരായ അരുണ്‍കുമാര്‍, നിഷാദ് എന്നിവര്‍ ചേര്‍ന്ന് അറസ്റ്റ് ചെയ്ത ഇവരെ കോടതിയില്‍ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.