ലഖ്നോ: യുപിയിൽ പിരാപുർ വനപ്രദേശത്ത് ശനിയാഴ്ച കൗമാരക്കാരന്‍റെ മൃതദേഹം കൊല്ലപ്പെട്ട നിലയിൽ കണ്ടെത്തി. 14 കാരനായ പ്രകാർ ഗുപ്തയാണ് കൊല്ലപ്പെട്ടത്. പ്രകാർ ഗുപ്തയുടെ സുഹൃത്തായ 15 കാരനെ പൊലീസ് അറസ്റ്റ് ചെയ്തു. മൊബൈൽ കച്ചവടവുമായി ബന്ധപ്പെട്ട പണമിടപാട് തർക്കമാണ് കൊലപാതകത്തിൽ കലാശിച്ചതെന്ന് പൊലീസ് ഉദ്യോഗസ്ഥർ പറഞ്ഞു.
പ്രകാർ ഗുപ്തയെ കാണാനില്ലെന്ന് ചൂണ്ടികാണിച്ച് ഏപ്രിൽ 18 ന് പ്രകാറിന്‍റെ അമ്മ പൊലീസിൽ പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയതെന്ന് എസ്.പി അനൂപ് കുമാർ സിങ്ങ് പറഞ്ഞു. പ്രതി നൽകിയ വിവരങ്ങളുടെ അടിസ്ഥാനത്തിൽ മൃതദേഹം കണ്ടെടുക്കുകയും പോസ്റ്റ്മോർട്ടത്തിനയക്കുകയും ചെയ്തതായി പൊലീസ് വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.