മഞ്ചേരി: നിരോധിത മയക്കുമരുന്നായ എം.ഡി.എം.എയുമായി യുവാവ് പിടിയിൽ. പാണ്ടിക്കാട് ഒറവമ്പ്രം സ്വദേശി ഷഹനുൽ ഫർഷാദിനെയാണ് (28) ജില്ല ആന്റി നാർകോട്ടിക് സ്ക്വാഡും മഞ്ചേരി പൊലീസും ചേർന്ന് പിടികൂടിയത്. പൊലീസിനെ കണ്ട് കാറിൽ രക്ഷപ്പെടാൻ ശ്രമിച്ച പ്രതിയെ 10 കിലോമീറ്ററോളം പിന്തുടർന്ന് സാഹസികമായാണ് പൊലീസ് പിടികൂടിയത്.
പയ്യനാട്, കുട്ടിപ്പാറ, നെല്ലിക്കുത്ത് ഭാഗങ്ങളിലെ കുട്ടികൾക്കും യുവാക്കൾക്കും മറ്റും ലഹരി വിൽപന നടത്തുന്ന സംഘങ്ങളെക്കുറിച്ച് പൊലീസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതി പിടിയിലായത്.ചില്ലറ വിപണിയിൽ അരലക്ഷത്തോളം രൂപ വിലവരുന്ന 10 ഗ്രാം എം.ഡി.എം.എയും ഇയാളിൽനിന്ന് കണ്ടെടുത്തു.
ലഹരി വിൽപന നടത്താൻ ഉപയോഗിക്കുന്ന വാഹനം പൊലീസ് പിടിച്ചെടുത്തു. കോടതിയിൽ ഹാജറാക്കിയ പ്രതിയെ റിമാൻഡ് ചെയ്തു. മഞ്ചേരി അഡീഷനൽ എസ്.ഐ കൃഷ്ണൻ, എ.എസ്.ഐ സത്യൻ കൃഷ്ണദാസ്, തസ്‌ലീം, ഡാൻസാഫ് ടീം അംഗങ്ങളായ ഐ.കെ. ദിനേഷ്, ആർ. ഷഹേഷ്, കെ. ജസീർ, കെ. സിറാജുദ്ദീൻ എന്നിവരടങ്ങിയ സംഘമാണ് പ്രതിയെ പിടികൂടി കേസന്വേഷണം നടത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.