കൃ​ഷ്ണ​ശി​ല​ക​ളി​ൽ ക​ര​വി​രു​തി​ന്റെ വി​സ്മ​യം

ന​ന്മ​ണ്ട: 45 വ​ർ​ഷ​ത്തോ​ള​മാ​യി രാ​ജ​ൻ എ​ന്ന ഒ​റ്റ​പ്പാ​ല​ത്തു​കാ​ര​നെ ന​ന്മ​ണ്ട​ക്കാ​ർ​ക്ക് സു​പ​രി​ചി​ത​മാ​ണ്. ബാ​ലു​ശ്ശേ​രി-​കോ​ഴി​ക്കോ​ട് പാ​ത​ക്കി​ട​യി​ൽ ന​ന്മ​ണ്ട പ​തി​നാ​ലി​ലെ തെ​രു​വോ​ര​ങ്ങ​ളി​ൽ കൃ​ഷ്ണ​ശി​ല​യി​ൽ തീ​ർ​ത്ത രൂ​പ​ങ്ങ​ളു​മാ​യി ഇ​യാ​ളു​ണ്ടാ​വാ​റു​ണ്ട്. ഇ​വി​ടെ റോ​ഡ​രി​കി​നോ​ടു ചേ​ർ​ന്ന് പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടി​യ ചെ​റി​യ പ​ണി​ശാ​ല​യി​ൽ ക​ല്ലി​ൽ തീ​ർ​ത്ത ദീ​പ​സ്തം​ഭം, വി​ഗ്ര​ഹ​ങ്ങ​ൾ, വി​ള​ക്കു​ക​ൾ, അ​മ്മി, ഉ​ര​ൽ, ചി​ത്ര​കൂ​ടം തു​ട​ങ്ങി​യ വൈ​വി​ധ്യ​ങ്ങ​ളാ​യ ക​ര​കൗ​ശ​ല സാ​മ​ഗ്രി​ക​ൾ പ​ണി​തീ​ർ​ത്ത് വി​ൽ​പ​ന​ക്ക് വെ​ച്ചി​ട്ടു​ണ്ട്.

ഇ​വ​യി​ലെ​ല്ലാം രാ​ജ​ൻ എ​ന്ന ക​ൽ​പ​ണി​ക്കാ​ര​ന്റെ കൈ​മു​ദ്ര പ​തി​ഞ്ഞി​ട്ടു​ണ്ട്. പാ​ല​ക്കാ​ട് ജി​ല്ല​യി​ലെ ഒ​റ്റ​പ്പാ​ലം ക​ല്ലു​വ​ഴി സ്വ​ദേ​ശി​യാ​യ രാ​ജ​ൻ പ​തി​നാ​ലാം വ​യ​സ്സി​ൽ സ​ഹോ​ദ​ര​ങ്ങ​ളാ​യ ഉ​ണ്ണി, സു​ന്ദ​ര​ൻ എ​ന്നി​വ​ർ​ക്കൊ​പ്പ​മാ​ണ് ന​ന്മ​ണ്ട​യി​ൽ എ​ത്തു​ന്ന​ത്. ഇ​വ​ർ​ക്കൊ​പ്പം സ​ഹാ​യി​യാ​യി പ്ര​വ​ർ​ത്തി​ച്ച് കു​ടും​ബ​പ​ര​മാ​യി ചെ​യ്തു​വ​രു​ന്ന നി​ർ​മാ​ണ തൊ​ഴി​ൽ ഉ​പ​ജീ​വ​ന​മാ​ർ​ഗ​മാ​യി തി​ര​ഞ്ഞെ​ടു​ക്കു​ക​യാ​യി​രു​ന്നു​വെ​ന്ന് രാ​ജ​ൻ പ​റ​യു​ന്നു.

ആ​ദ്യ​കാ​ല​ത്ത് നി​ർ​മാ​ണ​ങ്ങ​ൾ പൂ​ർ​ണ​മാ​യും ഉ​ളി​യും മ​റ്റ് ആ​യു​ധ​ങ്ങ​ളും മാ​ത്രം ഉ​പ​യോ​ഗി​ച്ചാ​യി​രു​ന്നു. തെ​രു​വോ​ര​ത്തെ പ​ണി​ശാ​ല​യി​ൽ വൈ​ദ്യു​തി​യും മ​റ്റു സൗ​ക​ര്യ​ങ്ങ​ളും ഒ​രു​ക്കാ​ൻ ക​ഴി​യാ​ത്ത​തി​നാ​ൽ വി​ഗ്ര​ഹ​ങ്ങ​ളും വി​ള​ക്കു​ക​ളും നാ​ട്ടി​ൽ​നി​ന്ന് പാ​ക​പ്പെ​ടു​ത്തി കൊ​ണ്ടു​വ​രു​ക​യാ​ണ് പ​തി​വ്. സ​ഹോ​ദ​ര​ങ്ങ​ളാ​യ ച​ന്ദ്ര​ൻ, ബാ​ല​ൻ എ​ന്നി​വ​രും നാ​ട്ടി​ലെ പ​ണി​ശാ​ല​യി​ൽ ഒ​പ്പ​മു​ണ്ട്.

രാ​ജ​നും സ​ഹോ​ദ​ര​ങ്ങ​ളും ചേ​ർ​ന്ന് നി​ർ​മി​ച്ച ഗ​ണ​പ​തി, നാ​ഗം, വി​ഷ്ണു, സു​ബ്ര​ഹ്മ​ണ്യ​ൻ, ശി​വ​ലിം​ഗം, ന​വ​ഗ്ര​ഹം, പീ​ഠ​ങ്ങ​ൾ, ബ​ലി​ക്ക​ല്ലു​ക​ൾ തു​ട​ങ്ങി​യ​വ കേ​ര​ള​ത്തി​ലെ ഒ​ട്ടു​മി​ക്ക ജി​ല്ല​ക​ളി​ലെ ക്ഷേ​ത്ര​ങ്ങ​ളി​ലേ​ക്കും കൊ​ണ്ടു​പോ​കാ​റു​ണ്ട്. ഇ​തോ​ടൊ​പ്പം ക്ഷേ​ത്ര​ത്തി​ന്റെ സോ​പാ​നം, ക​ട്ടി​ല എ​ന്നി​വ​യും നി​ർ​മി​ക്കു​ന്നു.