കോഴിക്കോട്: പതിനാറാമത് തനിമ പുരസ്കാരത്തിന് കൃതികള്‍ ക്ഷണിച്ചു. 2021 ജനുവരി മുതല്‍ 2024 ജനുവരി വരെ ഒന്നാം പതിപ്പായി പ്രസിദ്ധീകരിച്ച മൗലിക കവിതാസമാഹാരമാണ് ഇത്തവണ പുരസ്കാരത്തിന് പരിഗണിക്കുന്നതെന്ന് ഭാരവാഹികൾ പറഞ്ഞു. രചയിതാവിന്‍റെ ആദ്യ മലയാള കവിത സമാഹാരമായിരിക്കണം. എഴുത്തുകാര്‍ക്കും പ്രസാധകര്‍ക്കും വായനക്കാര്‍ക്കും കൃതികള്‍ അയക്കാം. പ്രായപരിധിയില്ല. 10,000 രൂപയും പ്രശംസപത്രവും ഫലകവുമാണ് പുരസ്കാരം.
പുസ്തകത്തിന്റെ മൂന്നു കോപ്പി ഒക്‌ടോബര്‍ 31നകം കണ്‍വീനര്‍, തനിമ പുരസ്കാരം, തനിമ കലാസഹിത്യ വേദി കേരള, പി.ബി നമ്പര്‍: 833, മാവൂര്‍ റോഡ്, കോഴിക്കോട് -673 004 എന്ന വിലാസത്തിൽ അയക്കണം. വിശദ വിവരങ്ങള്‍ക്ക് ഫോൺ: 9946227590.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.