മ​രു​ഭൂ​മി​യി​ലെ കേ​ര​ള​ഗ്രാ​മം

മ​ല​യാ​ളി കു​ടും​ബ​ങ്ങ​ൾ ഒ​രു​മി​ച്ചു​കൂ​ടി ഓ​ണസ​ദ്യ​യൊ​രു​ക്കു​ന്ന​താ​ണ് സു​ധീ​ഷി​ന്റെ വീ​ട്ടി​ലെ ഓ​ണ​വി​ശേ​ഷ​ങ്ങ​ളി​ൽ പ്ര​ധാ​നം. സ​ദ്യ​ക്കു​ള്ള എ​ല്ലാ​വി​ധ പ​ച്ച​ക്ക​റി​ക​ളും പ​ഴ​വും തൂ​ശ​നി​ല​യും ന​ൽ​കാ​ൻ ത​യാ​റാ​യി നി​ൽ​പുണ്ട് അ​ടി​മു​ടി വി​ള​ഞ്ഞു​പാ​ക​മാ​യ തോ​ട്ടം

ഗ്രാ​മീ​ണ വി​ള​ക​ളും പാ​ട​വും തോ​ടും കോ​ഴി​യും താ​റാ​വും പ​ശു​വും കി​ടാ​വും പാ​ട​വ​ക്ക​ത്തെ ഊ​ഞ്ഞാ​ലും തൃ​ശൂർ കോ​ൾ​നി​ല​ത്തി​ൽ നി​ന്നു​തി​രു​ന്ന ക​തി​ര​ണി ചൂ​രും ഹൃ​ദ​യ​ത്തി​ലേ​ക്ക് തു​ള​ച്ചു ക​യ​റും. ഷാ​ർ​ജ മ​ൻ​സൂ​റ​യി​ലെ കു​വൈ​ത്ത് ആ​ശു​പ​ത്രി​ക്ക് സ​മീ​പ​ത്തെ ഗു​രു​വാ​യൂ​ർ സ്വ​ദേ​ശി സു​ധീ​ഷി​ന്റെ വീ​ടും തൊ​ടി​യും ക​ണ്ടാ​ൽ. ഈ ​ചി​ങ്ങ​മാ​സ​ത്തി​ൽ ഓ​ണ​ത്തി​ന്റെ വ​ര​വ് അ​റി​യി​ച്ച് ആ ​കൊ​ച്ചു​വീ​ടും തൊ​ടി​യും കാ​ർ​ഷി​ക സ​മൃ​ദ്ധി വി​​ളി​ച്ചോ​തി ഒ​രു​ങ്ങി​ക്കഴി​ഞ്ഞു.

പ​ച്ച​പ്പി​ൽ അ​ണി​യി​ച്ചൊ​രു​ക്കി വീ​ടും തൊ​ടി​യും

വാ​ഴ​ക​ൾ​ക്കി​ട​യി​ലെ നീ​ർ​ച്ചാ​ലി​ലൂ​ടെ തെ​ളി​നീ​രൊ​ഴു​കു​മ്പോ​ൾ കൊ​ത്തി​പ്പെ​റു​ക്കി തി​ന്നാ​നെ​ത്തു​ന്ന കോ​ഴിക്കൂട്ട​ത്തി​ന്റെ ഇ​ട​യി​ലേ​ക്ക് അ​ധി​കാ​ര ഭാ​വ​ത്തി​ൽ വ​രു​ന്ന താ​റാ​വു​ക​ൾ. ചെ​ണ്ടു​മ​ല്ലി പൂ​ക്ക​ളോ​ട് കി​ന്നാ​രം പ​റ​യു​ന്ന ചി​ത്ര​ശ​ല​ഭ​ങ്ങ​ൾ. താ​മ​രക്കുള​ത്തി​ൽ ചാ​ഞ്ചാ​ടു​ന്ന തോ​ണി​യു​ടെ അ​മ​ര​ത്തും അ​ണി​യ​ത്തും കി​ളി​ക​ളു​ടെ പൂ​വേ​പൊ​ലി. കു​ല​ച്ചുനി​ൽ​ക്കു​ന്ന നേ​ന്ത്ര​യും പാ​ള​യം​കോ​ട​നും പ​ട്ടാ​മ്പി കു​ന്ന​നും ക്ഷ​ണി​ച്ചി​രു​ത്തു​ക​യാ​ണ് ഷാ​ർ​ജ​യി​ലെ പാ​ട​വ​ര​മ്പ​ത്ത്. ഇ​ട​വേ​ള​യി​ല്ലാ​തെ കൃ​ഷി​ച്ചെ​യ്യു​ന്ന നെ​ൽ​പാ​ട​വും പ​ച്ച​ക്ക​റി തോ​ട്ട​വും വാ​ഴ​ത്തോ​പ്പും കോ​ഴി​യും താ​റാ​വും ചി​ക്കി​പ്പെറു​ക്കി ന​ട​ക്കു​ന്ന തൊ​ടി​ക​ളും കൊ​ണ്ട് ഹ​രി​ത​മ​നോ​ഹ​ര ചി​ത്രം വ​ര​ക്കു​ക​യാ​ണ് ഈ ​വീ​ട്.

സു​ധീ​ഷും ഭാ​ര്യ രാ​ഖി​യും മ​ക്ക​ളാ​യ ​ശ്രേ​യ​സും ശ്ര​ദ്ധ​യു​മാ​ണ് തോ​ട്ട​ക്കാ​ർ. മ​ൺ​വെ​ട്ടി​യും അ​രി​വാ​ളു​മെ​ടു​ത്ത് രാ​വി​ലെ മു​ത​ൽ ഇ​വ​ർ തോ​ട്ട​ത്തി​ൽ സ​ജീ​വ​മാ​കും. ജോ​ലി​യും പ​ഠ​ന​വും പ​കു​ത്തെ​ടു​ത്ത് ക​ഴി​ഞ്ഞ് മി​ച്ചം വ​രു​ന്ന സ​മ​യം സ്വ​രു​ക്കൂട്ടി​വെ​ച്ചാ​ണ് ഈ ​കു​ടും​ബം ഷാ​ർ​ജ​യി​ലൊ​രു കൊ​ച്ചു കേ​ര​ള​ഗ്രാ​മം പ​ണി​ത​ത്.

കാ​ർ​ഷി​ക ക​മ്പ​നി​യു​ടെ തു​ട​ക്കം

സു​ധീ​ഷി​ന്റെ തോ​ട്ട​ത്തി​ന്റെ മ​ഹി​മ ഗ​ൾ​ഫി​ലാ​കെ പ​ര​ന്ന​പ്പോ​ൾ നി​ര​വ​ധി പേ​ർ കൃ​ഷി താ​ൽപ​ര്യ​വു​മാ​യി മു​ന്നോ​ട്ടു വ​ന്നു. തു​ട​ക്ക​ത്തി​ൽ സു​ധീ​ഷ് ത​ന്നെ നേ​രി​ട്ടുപോ​യി അ​വ​രു​ടെ പ​രി​മി​ത​മാ​യ മു​റ്റ​ത്തും ബാ​ൽ​ക്കെ​ണി​യി​ലും വി​ത്തു​ക​ൾ ന​ട്ടു. ആ​വ​ശ്യ​ക്കാ​രേ​റി​യ​പ്പോ​ൾ ഒ​രു കാ​ർ​ഷി​ക ക​മ്പ​നി​ക്കുത​ന്നെ രൂ​പം ന​ൽ​കി. ജോ​ലി​ക്കാ​യി നാ​ട്ടി​ൽ നി​ന്ന് യു​വാ​ക്ക​ളെ വ​രു​ത്തി. ആ​ധു​നി​ക യ​ന്ത്ര​ങ്ങ​ളും സ​ജീ​വ​മാ​ക്കി. മി​ക​ച്ച​യി​നം വി​ത്തു​ക​ൾ കൊ​ണ്ട് യു.​എ.​ഇ​യി​ലെ വി​വി​ധ പ്ര​ദേ​ശ​ങ്ങ​ളി​ൽ പ​ച്ച​ക്ക​റിത്തോ​ട്ട​ങ്ങ​ളും വാ​ഴ​ത്തോ​പ്പു​ക​ളും കു​ള​ങ്ങ​ളും കു​ത്തി.

ഓ​ണ​സ​ദ്യ പ്ര​ധാ​നം

മ​ല​യാ​ളി കു​ടും​ബ​ങ്ങ​ൾ ഒ​രു​മി​ച്ചു​കൂ​ടി ഓ​ണസ​ദ്യ​യൊ​രു​ക്കു​ന്ന​താ​ണ് സു​ധീ​ഷി​ന്റെ വീ​ട്ടി​ലെ ഓ​ണ​വി​ശേ​ഷ​ങ്ങ​ളി​ൽ പ്ര​ധാ​നം. സ​ദ്യ​ക്കു​ള്ള എ​ല്ലാ​വി​ധ പ​ച്ച​ക്ക​റി​ക​ളും പ​ഴ​വും തൂ​ശ​നി​ല​യും ന​ൽ​കാ​ൻ ത​യാ​റാ​യി നി​ൽ​പുണ്ട് അ​ടി​മു​ടി വി​ള​ഞ്ഞു​പാ​ക​മാ​യ തോ​ട്ടം. പാ​യ​സ​ത്തി​ൽ കു​ഴ​ച്ച് തി​ന്നാ​ൻ പാ​ക​മാ​യി നി​ൽ​ക്കു​ന്നു​ണ്ട് ഞാ​ലി​പ്പൂ​വ​നും പാ​ള​യം കോ​ട​നും. ഈ ​ഓ​ണ​ത്തി​ന് ആ​ട്ടം നി​ർത്തി​ല്ല എ​ന്ന് എ​ന്നേ പ​റ​ഞ്ഞു ക​ഴി​ഞ്ഞു, പാ​ട​ത്തിെ​ൻ​റ ക​ര​യി​ൽ നി​ൽ​ക്കു​ന്ന മ​ര​ത്തിെ​ൻ​റ കൊ​മ്പ​ത്തി​ട്ട ഊ​ഞ്ഞാ​ൽ. സ​ദ്യ ക​ഴി​ഞ്ഞാ​ൽ വ​ള്ളം​ക​ളി, വ​ടം​വ​ലി, ഉ​റി​യ​ടി, ക​സേ​ര ക​ളി, തു​മ്പി തു​ള്ള​ൽ തു​ട​ങ്ങി പ​ഴ​യ​കാ​ല ഓ​ണ​ക്ക​ളി​ക​ളെ​ല്ലാം ഇ​ക്കു​റി ഈ ​മു​റ്റ​ത്ത് അ​ര​ങ്ങേ​റു​മെ​ന്ന് സു​ധീ​ഷും രാ​ഖി​യും പ​റ​യു​ന്നു.

റെ​ക്കോ​ഡി​ട്ട ക​ർ​ഷ​ക​ൻ

മ​ട്ടു​പ്പാ​വി​ൽ കൊ​ച്ചു കൊ​ച്ചു കൃ​ഷി​ക​ൾ ചെ​യ്താ​യി​രു​ന്നു സു​ധീ​ഷി​ന്റെ തു​ട​ക്കം. ലോ​ക​ത്തി​ലെ ഏ​റ്റ​വും വ​ലി​യ വെ​ണ്ട​ക്ക വി​ള​യി​ച്ച് ലിം​ക ബു​ക്ക് ഓ​ഫ് റെ​ക്കോ​ഡ്സി​ൽ ക​യ​റി​യ​ത് മ​ട്ടു​പ്പാ​വി​ൽ നി​ന്നാ​ണ്. തൊ​ട്ട​ടു​ത്ത വ​ർ​ഷം ലോ​ക​ത്തി​ലെ ഏ​റ്റ​വും ചെ​റി​യ ചെ​ടി​യി​ൽ വെ​ണ്ട​ക്ക വി​ള​യി​പ്പി​ച്ച വി​സ്മ​യ​വും ലിം​ക ബു​ക്ക് ഓ​ഫ് റെ​ക്കോ​ഡ്സി​ൽ ക​യ​റി. ഫ്ലാ​റ്റി​ലെ വാ​സം വി​ട്ട് വി​ല്ല​യി​ലെ​ത്തി​യ​തോ​ടെ​യാ​ണ് കൃ​ഷി​യു​ടെ പു​ത്ത​ൻ പാ​ഠ​ങ്ങ​ൾ പാ​ട​ത്ത് ന​ട്ടു​പിടി​പ്പി​ച്ച​ത്. മു​ന്തി​രി​ക്കുല​ക​ൾ തൂ​ങ്ങി​യാ​ടു​ന്ന ഹ​രി​ത വ​ള്ളി​ക​ൾ കൊ​ണ്ട് തീ​ർ​ത്ത ക​മാ​ന​ത്തി​ലൂ​ടെ​യാ​ണ് വീ​ട്ടി​ലേ​ക്കു​ള്ള വ​ഴി.

ക​റു​പ്പും പ​ച്ച​യും മു​ന്തി​രി​ക​ള്‍ വി​ള​യു​ന്ന വ​ള്ളി​ക​ൾ സു​ധീ​ഷ് വെ​ച്ചു​പി​ടി​പ്പി​ച്ചി​രി​ക്കു​ന്നു. കൃ​ഷി​യി​ലൂ​ടെ ഗി​ന്ന​സ് ബു​ക്ക് ഓ​ഫ് റെ​ക്കോ​ഡ്സി​ലും എ​ത്തി ഈ ​ഗു​രു​വാ​യൂ​ർ​ക്കാ​ര​ൻ. കാ​ർ​ഷി​ക രം​ഗ​ത്തെ മി​ക​ച്ച പ്ര​വ​ർ​ത്ത​ന​ങ്ങ​ൾ​ക്ക് കേ​ര​ള സ​ർ​ക്കാ​റി​ന്റെ നി​ര​വ​ധി പു​ര​സ്കാ​ര​ങ്ങ​ളും സു​ധീ​ഷി​നെ തേ​ടിയെ​ത്തി. മ​രു​ഭൂ​മി​യി​ലെ കാ​ർ​ഷി​ക പ്ര​വ​ർ​ത്ത​ന​ങ്ങ​ൾ​ക്ക് ഓ​ണ​റ​റി ഡോ​ക്ട​റേ​റ്റും ക​ര​സ്ഥ​മാ​ക്കി. 5000ത്തി​ല​ധി​കം വേ​പ്പു​തൈ​ക​ൾ വി​ത​ര​ണം ചെ​യ്ത് ഗി​ന്ന​സ് വേ​ൾ​ഡ് ഓ​ഫ് റെ​ക്കോ​ഡ്സ് സ്വ​ന്ത​മാ​ക്കി. ടി​ന്നു​ക​ൾ കൊ​ണ്ട് ബു​ർ​ജ് ഖ​ലീ​ഫ​യു​ണ്ടാ​ക്കി വീ​ണ്ടും ഗി​ന്ന​സി​ലെ​ത്തി.

മ​രു​ഭൂ​മി​യി​ൽ നെ​ല്ലു​വി​ള​യി​ച്ച്

വി​ല്ല വി​ട്ടി​റ​ങ്ങി​യ സു​ധീ​ഷി​ന്റെ കൃ​ഷി​യു​ടെ ഖ്യാ​തി ഇ​തി​നോ​ട​കം ഷാ​ർ​ജ രാ​ജ​കു​ടും​ബ​ത്തി​ന്‍റെ ചെ​വി​യി​ലെ​ത്തി​യി​രു​ന്നു. അ​തോ​ടെ നാ​ലേ​ക്ക​ർ പാ​ട​ത്ത് നെ​ല്ലു​വി​ള​യി​പ്പി​ക്കാ​ൻ നി​യോ​ഗ​വും ല​ഭി​ച്ചു. ബ​സ്മ​തി​യാ​ണ് കൃ​ഷി ചെ​യ്ത​ത്. ഷാ​ർ​ജ വൈ​ദ്യു​തി-​ജ​ല​വി​ഭാ​ഗ​ത്തി​ലെ ജോ​ലി രാ​ജി​വെ​ച്ചാ​ണ് മു​ഴു​വ​ൻ സ​മ​യ ക​ർ​ഷ​ക​നാ​യി മാ​റി​യ​ത്. വി​ദ്യാ​ർ​ഥി​ക​ള​ട​ക്കം നി​ര​വ​ധി പേ​രാ​ണ് ദി​നം​പ്ര​തി ഇ​വി​ടെ സ​ന്ദ​ർ​ശി​ക്കാ​നെ​ത്തു​ന്ന​ത്. ദൃ​ഢ​നി​ശ്ച​യ​മു​ള്ള കു​ട്ടി​ക​ളെ പാ​ട​ത്തി​റ​ക്കി ഞാ​റു​ന​ടീ​ച്ചും വി​ള​വെ​ടു​പ്പ് ന​ട​ത്തി​ച്ചും ശ്ര​ദ്ധ​നേ​ടി​യി​രു​ന്നു സു​ധീ​ഷും കു​ടും​ബ​വും.