തൊടുപുഴ: എസ്.എസ്.എല്‍.സി-പ്ലസ്ടു പരീക്ഷകള്‍ ആരംഭിച്ചതും ചൂട് ഉയര്‍ന്നതിനെ തുടർന്നും വൈദ്യുതി ഉപഭോഗം ഉയരുന്നു. കഴിഞ്ഞ മൂന്നുദിവസമായി ശരാശരി 86.4 മില്യണ്‍ യൂനിറ്റിന് മുകളിലാണ് ഉപഭോഗം.
ശനിയാഴ്ച രാവിലെ ഏഴിന് രേഖപ്പെടുത്തിയ കണക്ക് പ്രകാരം വെള്ളിയാഴ്ച 87.62 മില്യണ്‍ യൂനിറ്റ് വൈദ്യുതിയാണ് ഉപയോഗിച്ചത്. ഇതില്‍ 31.47 മില്യണ്‍ യൂനിറ്റും ആഭ്യന്തരമായി ഉൽപാദിപ്പിച്ചതാണ്. ഇക്കഴിഞ്ഞ് മാര്‍ച്ച് 19ന് 88.417 മില്യണ്‍ യൂനിറ്റായിരുന്നു ഉപഭോഗം. വ്യാഴാഴ്ച 86.46, ബുധനാഴ്ച 87.02, വോട്ടെടുപ്പ് ദിവസമായ ചൊവ്വാഴ്ച 83.42 മില്യണ്‍ യൂനിറ്റ് എന്നിങ്ങനെയായിരുന്നു വൈദ്യുതി ഉപഭോഗം. ഉപഭോഗം കൂടിയതോടെ ഇടുക്കിയിലെ ഉൽപാദനം 16 മില്യണ്‍ യൂനിറ്റിന് മുകളിലേക്ക് എത്തിയിരിക്കുകയാണ്. 42 ശതമാനം വെള്ളമാണ് സംഭരണിയില്‍ അവശേഷിക്കുന്നത്.
രാത്രിയില്‍ 4300 മെഗാവാട്ട് വരെ ഉപഭോഗം നിലവില്‍ എത്തിക്കഴിഞ്ഞു. 10.30യോടെ പെട്ടെന്ന് ഉയരുന്ന ഉപഭോഗം അർധരാത്രി കഴിയുന്നതുവരെ ഈ നിലയില്‍ തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.