തന്റെ പിതാവ് അമിതാഭ് ബച്ചൻ സംവിധായകൻ ആർ. ബൽക്കിയുടെ ഭാഗ്യമാണെന്ന് അഭിഷേക് ബച്ചൻ. ബൽക്കിയുടെ ഗുമെർ എന്ന ചിത്രത്തിന്റെ പ്രമോഷന്റെ ഭാഗമായി നൽകിയ അഭിമുഖത്തിലാണ് ഇക്കാര്യം പറഞ്ഞത്.
'ആർ. ബൽക്കിയുടെ എല്ലാ ചിത്രങ്ങളിലും അച്ഛനും ഉണ്ടാകാറുണ്ട് . അദ്ദേഹം ബൽക്കിയുടെ ഭാഗ്യമാണെന്ന് തോന്നുന്നു. ഇത് അച്ഛനോടുള്ള ആദരവായിട്ടാണ് ഞങ്ങൾ കാണുന്നത്'- അഭിഷേക് ബച്ചൻ പറഞ്ഞു. എന്നാൽ ചിത്രത്തിൽ പിതാവുമായി തനിക്ക് കോമ്പിനേഷൻ രംഗങ്ങളില്ലെന്നും താരം കൂട്ടിച്ചേർത്തു.
അഭിഷേക് ബച്ചൻ, സയ്യാമി ഖേർ എന്നിവരെ കേന്ദ്രകഥാപാത്രങ്ങളാക്കി ആർ. ബൽക്കി സംവിധാനം ചെയ്യുന്ന ചിത്രമാണ് ഗുമെർ. വാഹനാപകടത്തിൽ ഒരു കൈ നഷ്ടപ്പെടുന്ന ക്രിക്കറ്റ് താരത്തിന്റ കഥയാണ് ചിത്രം പറ‍യുന്നത്. ആഗസ്റ്റ് 18 നാണ് ഗുമെർ തിയറ്ററുകളിൽ എത്തുന്നത്. അംഗദ് ബേദി, ശബാന ആസ്മി എന്നിവരാണ് മറ്റ് താരങ്ങൾ. സംഗീതം അമിത് ത്രിവേദി. ഛായാഗ്രഹണം വിശാല്‍ സിൻഹ. സംവിധായകൻ ആർ. ബൽകി തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.