ന്യൂഡൽഹി: ഹിന്ദുസംഘടനകളുടെ പ്രതിഷേധത്തെ തുടർന്ന് അക്ഷയ് കുമാർ നായകനാവുന്ന ബോളിവുഡ് ചിത്രം ലക്ഷ്മി ബോംബിെൻറ പേര് മാറ്റി. ലക്ഷ്മിയെന്നാണ് ചിത്രത്തിെൻറ പുതിയ പേര്. ട്രേഡ് അനലിസ്റ്റ് തരൺ ആദർശാണ് സിനിമയുടെ പേര് മാറ്റിയ വിവരം അറിയിച്ചത്.
ലക്ഷ്മി ബോംബെന്ന പേര് ലക്ഷ്മി ദേവിയെ അപമാനിക്കുന്നതാണെന്ന് ചൂണ്ടിക്കാട്ടി വിവിധ ഹിന്ദുസംഘടനകൾ പ്രതിഷേധവുമായി രംഗത്തെത്തിയിരുന്നു. കർണിസേന സിനിമയുടെ സംവിധായകൻ രാഘവ ലോറൻസിന് വക്കീൽ നോട്ടീസ് അയക്കുകയും ചെയ്തിരുന്നു. വ്യാഴാഴ്ചയാണ് സിനിമയുടെ സെൻസർ നടപടികൾ പൂർത്തിയാക്കിയത്. സെൻസർ ബോർഡുമായി ചർച്ച ചെയ്തതിന് ശേഷമാണ് പേരുമാറ്റാനുള്ള തീരുമാനമെടുത്തതെന്നാണ് സൂചന.
തമിഴിൽ കാഞ്ചനയെന്ന പേരിൽ ഹിറ്റായ ചലച്ചിത്രമാണ് ബോളിവുഡിലേക്ക് റീമേക്ക് ചെയ്യുന്നത്. ട്രാൻസ്ജെൻഡറായ പ്രേതത്തിെൻറ വേഷമാണ് അക്ഷയ് കുമാർ സിനിമയിൽ കൈകാര്യം ചെയ്യുന്നത്. തെൻറ 30 വർഷത്തെ കരിയറിനിടയിൽ അഭിനയിക്കാൻ ഏറ്റവും കൂടുതൽ മാനസിക സമ്മർദം അനുഭവിച്ച സിനിമയാണ് ലക്ഷ്മി ബോംബെന്ന് അക്ഷയ് കുമാർ ഒരു അഭിമുഖത്തിൽ പറഞ്ഞിരുന്നു. നവംബർ ഒമ്പതിന് ഡിസ്നി-ഹോട്ട്സ്റ്റാറിലൂടെയാണ് സിനിമ റിലീസ് ചെയ്യുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.