12 വർഷത്തിന് ശേഷം നടൻ മോഹൻലാലും സംവിധായകൻ ഷാജി കൈലാസും ഒന്നിക്കുന്ന ചിത്രം 'എലോണി'ന്റെ ഡയലോഗ് ടീസർ പുറത്ത്. യഥാർഥ നായകന്മാര്‍ എപ്പോഴും തനിച്ചാണ് എന്ന് മോഹൻലാൽ പറയുന്ന ടീസറാണ് പുറത്തുവന്നത്. ആന്റണി പെരുമ്പാവൂരാണ് നിർമാണം. ആശീർവാദ് സിനിമാസിന്‍റെ 30ാം ചിത്രമാണിത്. സിനിമയിൽ മോഹൻലാൽ മാത്രമാണ് കഥാപാത്രമായിട്ടുള്ളതെന്നാണ് സൂചന.
രാജേഷ് ജയറാമാണ് തിരക്കഥ ഒരുക്കുന്നത്. അഭിനന്ദൻ രാമാനുജമാണ് ഛായാഗ്രഹണം. സംഗീതം ജേക്സ് ബിജോയ്യും എ‍ഡിറ്റിങ് ഡ‍ോൺമാക്സും നിർവഹിക്കുന്നു.
2009ൽ റിലീസ് ചെയ്ത റെഡ് ചില്ലീസ് ആണ് ഷാജി കൈലാസ്–മോഹൻലാൽ കൂട്ടുകെട്ടിൽ അവസാനം പുറത്തിറങ്ങിയ സിനിമ. 1997ൽ പുറത്തിറങ്ങിയ ആറാം തമ്പുരാനിലൂടെയാണ് മോഹൻലാലും ഷാജി കൈലാസും ആദ്യമായി ഒന്നിച്ചത്. ചിത്രം വൻവിജയമായി മാറി. 2000ൽ നരസിംഹത്തിലുടെ കൂട്ടുകെട്ട് വീണ്ടും ബോക്സ് ഓഫീസ് റെക്കോഡുകൾ ഭേദിച്ചു. താണ്ഡവം, നാട്ടുരാജാവ്, ബാബാ കല്യാണി, അലി ഭായ് എന്നിവയാണ് മറ്റു ചിത്രങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.