സച്ചി സംവിധാനം ചെയ്ത് പൃഥ്വിരാജും ബിജുമോനോനും തകർത്തഭിനയിച്ച ചിത്രമായിരുന്നു അയ്യപ്പനും കോശിയും. 2020ലെ സൂപ്പർഹിറ്റ് ചിത്രങ്ങളുടെ ലിസ്റ്റിൽ മുന്നിലുള്ള അയ്യപ്പനും കോശിയും തെലുങ്ക് റീമേക്കിൽ പവൻ കല്യാണും റാണ ദഗ്ഗുബാട്ടിയുമാണ് കേന്ദ്ര കഥാപാത്രങ്ങളാകുന്നത്. ഭീംലനായക് എന്ന് പേരിട്ടിരിക്കുന്ന ചിത്രത്തിലെ പവൻ കല്യാണിെൻറ ക്യാരക്ടര്‍ വീഡിയോ നേരത്തെ പുറത്തുവിടുകയും അത് വൈറലാവുകയും ചെയ്തിരുന്നു.
എന്നാലിപ്പോൾ ചിത്രത്തിൽ പൃഥ്വിരാജിെൻറ വേഷം ചെയ്യുന്ന റാണയുടെ ക്യാരക്ടര്‍ വീഡിയോയും പുറത്തുവന്നിരിക്കുകയാണ്. സിനിമയുടെ ടൈറ്റിലിൽ ഡാനിയൽ ശേഖർ എന്ന റാണയുടെ കഥാപാത്രത്തിെൻറ പേരില്ലെങ്കിലും ശക്തമായ കഥാപാത്രമാണ് താരം ഭീംലനായകിൽ ചെയ്യാൻ പോകുന്നതെന്നാണ് പുറത്തുവന്നിരിക്കുന്ന വിഡിയോ നൽകുന്ന സൂചന.
സാഗര്‍ കെ. ചന്ദ്ര സംവിധാനം ചെയ്യുന്ന ചിത്രത്തില്‍ സംഭാഷണങ്ങള്‍ ഒരുക്കുന്നത് ത്രിവിക്രം ശ്രീനിവാസ് ആണ്. തമന്‍ എസ്. ആണ് സംഗീതമൊരുക്കുന്നത്. സിതാര എന്റര്‍ടെയ്ന്‍മെന്റിസിന്റെ ബാനറില്‍ നാഗ വംശിയാണ് ചിത്രം നിര്‍മിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.