മലയാളത്തിലെ രണ്ട് സൂപ്പർതാരങ്ങൾക്കുശേഷമാര് എന്നതിനുള്ള ഉത്തരമായി പലരും പങ്കുവക്കുന്ന പേരാണ് നടൻ ഫഹദ് ഫാസിലിെൻറത്. അഭിനയത്തിലെ അനായാസതയും വൈവിധ്യവും കൊണ്ട് മോളിവുഡിലെ 'ബിഗ് എമ്മു'കളുടെ പിൻഗാമിയായി ഫഹദ് കണക്കാക്കപ്പെടുന്നുണ്ട്. ഫഹദ് തനിക്ക് ഇഷ്ടപ്പെട്ട മമ്മൂട്ടി-മോഹൻലാൽ ചിത്രങ്ങൾ വെളിപ്പെടുത്തിയിരിക്കുകയാണിപ്പോൾ. എപ്പോൾ ടി.വിയിൽ കണ്ടാലും ഇൗ സിനിമകൾ തന്നെ ആവേശം കൊള്ളിക്കാറുണ്ടെന്നും നടൻ പറഞ്ഞു.
ഡെന്നീസ് ജോസഫിെൻറ തിരക്കഥയിൽ ജോഷി സംവിധാനംചെയ്ത ന്യൂഡൽഹിയാണ് ഫഹദ് ഇഷ്ടപ്പെടുന്ന മമ്മൂട്ടി സിനിമ. ന്യൂഡൽഹി തനിക്ക് തീയറ്ററിൽപോയി കാണാൻ കഴിഞ്ഞിട്ടില്ലെന്നും ടി.വിയിൽ കാണുേമ്പാൾ ഇപ്പോഴും ആവേശമാണെന്നും നടൻ പറഞ്ഞു. താൻ ഏറെ ഇഷ്ടപ്പെടുന്ന മോഹൻലാൽ ചിത്രം ആറാം തമ്പുരാനാണെന്നാണ് ഫഹദ് പറയുന്നത്. ഇൗ സിനിമ തീയറ്ററിൽ പോയി കണ്ടിട്ടുണ്ട്. എങ്കിലും ടി.വിയിൽ എപ്പോൾ വന്നാലും കണ്ടിരിക്കാറുണ്ടെന്നും അദ്ദേഹം പറഞ്ഞു. രജ്ഞിത്ത് തിരക്കഥയെഴുതി ഷാജി കൈലാസ് സംവിധാനംചെയ്ത ചിത്രമാണ് ആറാം തമ്പുരാൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.