ജനുവരി മൂന്നിനായിരുന്നു ആമിർ ഖാന്റെ മകൾ ഇറയുടേയും സുഹൃത്തും സെലിബ്രിറ്റികളുടെ ഫിറ്റ്‌നസ് ട്രെയ്‌നറുമായ നൂപുർ ശിഖാരെയുടെയും വിവാഹം. അടുത്ത ബന്ധുക്കളുടെയും ബന്ധുക്കളുടെയും സാന്നിധ്യത്തിലായിരുന്നു ചടങ്ങുകൾ നടന്നത്.
ഇപ്പോഴിതാ വൈറലാകുന്നത് ഇറ ഖാന്റെ സംഗീത് ചടങ്ങിൽ സഹോദരൻ ആസാദ് ആലപിച്ച ഗാനമാണ്. ഹാരേ റാം ഹരേ കൃഷ്ണ എന്ന ചിത്രത്തിലെ ഫൂലോൺ കാ താരോ കാ സബ്കാ കെഹ്നാ ഹൈ.. എന്ന പാട്ടാണ് പാടിയത്. കുഞ്ഞു സഹോദരന്റെ ഗാനം കൈയടികളോടെയാണ് ഇറ സ്വീകരിച്ചത്. ആസാദിനൊപ്പം ആമിർ ഖാനും അമ്മ കിരൺ റാവും ഉണ്ടായിരുന്നു.
ആമിർ ഖാന്റേയും കിൺ റാവുവിന്റേയും മകനാണ് ആസാദ്. ഇറയുടെ അമ്മയായ റീന ദത്തയുമായുള്ള വിവാഹമോചനത്തിന് ശേഷമാണ് കിരൺ റാവു ആമിർ ജീവിത്തിലേക്ക് കൂട്ടുന്നത്. 2005 ൽ വിവാഹിതരായ ഇവർ 2021 ൽ നിയമപരമായി വേർപിരിഞ്ഞു. കിരൺ റാവുവും മകൻ ആസാദുമായും വളരെ അടുത്ത ബന്ധമാണ് ഇറക്കും അമ്മ റീന ദത്തക്കുമുള്ളത്. പൊതുപരിപാടികളിൽ ഇവർ ഒന്നിച്ചെത്താറുണ്ട്.
ആസാദിനെ കൂടാതെ ജുനൈദ് എന്നൊരു സഹോദരൻ കൂടി ഇറക്ക് ഉണ്ട്. ജുനൈദിനൊപ്പമുള്ള ചിത്രം ഇറ ഇൻസ്റ്റഗ്രമിൽ പങ്കുവെച്ചിരുന്നു 'അവസാനം ഞങ്ങള്‍ ഒരുമിച്ചുള്ള ഒരു ചിത്രം കിട്ടി' എന്ന ക്യാപ്ഷനോടെയാണ് ഫോട്ടോ പോസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.