പ്രഭാസ് നായകനായെത്തി നാഗ് അശ്വിൻ സംവിധാനം ചെയ്ത ചിത്രമാണ് 'കൽകി 2898'. ഈ വർഷം ഇന്ത്യൻ സിനിമയിൽ ഏറ്റവും കൂടുതൽ പണം വാരിയ ചിത്രങ്ങളിൽ ഒന്നാണ്. ആഗോളതലത്തിൽ 1000 കോടിയിലധികം കളക്ഷൻ നേടിയ ചിത്രം ഇപ്പോൾ റീ റിലീസിന് ഒരുങ്ങുകയാണ്. എന്നാൽ ഇന്ത്യയിലില്ല, മറിച്ച് റഷ്യയിലാണ് ചിത്രം വീണ്ടും തിയേറ്ററുകളിലെത്തുന്നത്.
അടുത്ത മാസം ചിത്രം റഷ്യയിൽ റി റീലിസ് ചെയ്യുമെന്നാണ് റിപ്പോർട്ട്. ഈ വർഷം ഇന്ത്യയിൽ ഏറ്റവും കൂടുതൽ കളക്ഷൻ നേടിയ ചിത്രമാണ് കൽകി. അമിതാഭ് ബച്ചൻ, കമൽ ഹാസൻ, ദീപിക പദുകോൺ, ശോഭന, ദിശാ പട്ടാണി എന്നിവരെല്ലം ചിത്രത്തിൽ പ്രധാനവേഷത്തിലെത്തുന്നുണ്ട്. ദുൽഖർ സൽമാൻ, വിജയ് ദേവരക്കൊണ്ട എന്നിവർ അതിഥിവേഷത്തിലെത്തുന്നുണ്ട്. ബിഗ് ബഡ്ജറ്റിൽ ഒരുക്കിയ ചിത്രം വൈജയന്തി മൂവീസിന്റെ ബാനറിൽ സി അശ്വിനി ദത്താണ് നിർമിച്ചത്.
മഹാഭാരത യുദ്ധം മുതൽ എഡി 2898 നടക്കുന്നതും മോഡേൺ ലോകവും പുരാണവും ബ്ലെൻഡ് ചെയ്തുമാണ് നാഗ് അശ്വിൻ ചിത്രം ഒരുക്കിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.