വിനായക ചതുർഥിദിനത്തിൽ മുംബൈയിലെ പ്രസിദ്ധമായ ലാൽ ബാഗ്ച രാജ സന്ദർശിച്ച് ബോളിവുഡ് താരം കാർത്തിക് ആര്യൻ. കുടുംബാംഗങ്ങളോടൊപ്പമാണ് നടൻ എത്തിയത്. ആരാധകർക്കൊപ്പം സെൽഫി എടുത്തതിന് ശേഷമാണ് അവിടെ നിന്ന് പോയത്.
ഗണേശ പന്തലിൽ എത്തിയ നടനെ കാണാൻ നിരവധി ആരാധകർ തടിച്ചു കൂടിയിരുന്നു. ആരാധകരെ അഭിവാദ്യം ചെയ്യാനും അവരോടെപ്പം ചിത്രമെടുക്കാനും നടൻ ഒരു മടിയും കാണിച്ചില്ല . വളരെ സിമ്പിൾ ലുക്കിലാണ് കാർത്തിക് ആര്യൻ എത്തിയത്. ചിത്രങ്ങൾ സോഷ്യൽ മീഡിയയിൽ വൈറലാണ്.
ഭൂൽ ഭൂലയ്യ 2 ആണ് നടന്റെ ഏറ്റവും പുതിയ ചിത്രം. 2022 മെയ് 20ന് റിലീസ് ചെയ്ത ചിത്രം സൂപ്പർ ഹിറ്റായിരുന്നു. ഫാസിൽ ചിത്രം മണിച്ചിത്രത്താഴിന്റെ ഹിന്ദി റീമേക്കായ ഭൂൽ ഭുലയ്യയുടെ രണ്ടാം ഭാഗമാണിത്. പ്രിയദർശനൻ ഒരുക്കിയ ഭുലയ്യയുടെ രണ്ടാം ഭാഗം സംവിധാനം ചെയ്തത് അനീസ്കാ ബസ്മിയാണ്. കിയാര അഡ്വാനി, തബു എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.