അമൽ നീരദിന്‍റെ പുതിയ ചിത്രമായ 'ഭീഷ്മപർവ'ത്തിൽ പ്രധാന വേഷത്തിലെത്തുന്ന അന്തരിച്ച നടൻ നെടുമുടി വേണുവിന്‍റെ ക്യാരക്റ്റർ പോസ്റ്റർ പങ്കുവെച്ച് മമ്മൂട്ടി. ഇരവിപിള്ള എന്ന കഥാപാത്രത്തെയാണ് അദ്ദേഹം അവതരിപ്പിക്കുന്നത്.
മലയാളത്തിന്റെ അനുഗ്രഹീത നടൻമാരിലൊരാളായ നെടുമുടി വേണു കഴിഞ്ഞ ഒക്ടോബർ 11നാണ് അന്തരിച്ചത്. 500ലേറെ ചിത്രങ്ങളിൽ അഭിനയിച്ച അദ്ദേഹത്തിന്‍റെ അവസാന ചിത്രങ്ങളിലൊന്നാണ് ഭീഷ്മപർവം. ഈയിടെ ഇറങ്ങിയ മരക്കാർ സിനിമയിലും ശ്രദ്ധേയമായ വേഷം അവതരിപ്പിച്ചു.
2021 ഫെബ്രുവരിയിലാണ് ഭീഷ്മപർവം ചിത്രീകരണം തുടങ്ങുന്നത്. ഗാങ്സ്റ്ററിൽനിന്ന് കടൽ കയറ്റുമതിക്കാരനായി മാറിയ ഭീഷ്മ വർധന്‍റെ വേഷമാണ് നായകനായ മമ്മൂട്ടിക്ക്. ഷൈൻ ടോം ചാക്കോ, ദിലീഷ് പോത്തൻ, സൗബിൻ, ശ്രീനാഥ് ഭാസി, ഫർഹാൻ ഫാസിൽ, അനസുയ ഭരദ്വാജ്, ലെന, നാദിയ മൊയ്തു തുടങ്ങി നിരവധി പേർ ചിത്രത്തിൽ അഭിനയിക്കുന്നു. അമൽ നീരദും ദേവദത്ത് ഷാജിയും ചേർന്നാണ് തിരക്കഥ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.