മോളിവുഡിലെ യുവ സൂപ്പർതാരം നിവിൻ പോളിക്ക് ഇന്ന് പിറന്നാളാണ്. പിറന്നാൾ ദിനത്തിൽ താരത്തിന് സമ്മാനവുമായി എത്തിയിരിക്കുകയാണ് പടവെട്ട് ടീം. സണ്ണി വെയ്ൻ പ്രൊഡക്ഷൻസിെൻറ ബാനറിൽ നടൻ സണ്ണി വെയ്ൻ ആദ്യമായി നിർമിക്കുന്ന പടവെട്ടിെൻറ ലൊക്കേഷൻ കാഴ്ച്ചകൾ കോർത്തിണക്കിയുള്ള ടീസറാണ് അണിയറപ്രവർത്തകർ പുറത്തുവിട്ടിരിക്കുന്നത്.
സണ്ണി നിർമാണ രംഗത്തേക്ക് കാലെടുത്തുവെക്കുന്നത് നവാഗതനായ ലിജു കൃഷ്ണയെ സംവിധായകനായി അവതരിപ്പിച്ചുകൊണ്ടാണ്. തിരക്കഥയും ലിജുവാണ് എഴുതിയിരിക്കുന്നത്. ചിത്രത്തിലെ നിവിൻ പോളിയുടെ മാസ്സ് ലുക്ക് ഇതിനകം തന്നെ പ്രേക്ഷകർ ഏറ്റെടുത്തിരുന്നു. അരുവി എന്ന തമിഴ് ചിത്രത്തിലൂടെ ശ്രദ്ദേയയായ അദിതി ബാലനാണ് നായികയായി എത്തുന്നത്. മഞ്ജു വാര്യറും പ്രധാന വേഷത്തിലുണ്ട്. ഇന്ദ്രൻസ്, വിജയ രാഘവൻ, ഷമ്മി തിലകൻ, ഷൈൻ ടോം ചാക്കോ തുടങ്ങിയവരും പ്രധാന വേഷങ്ങളിലുണ്ട്.
പിറന്നാൾ ദിനത്തിൽ തന്നെ ആരാധകർക്കായി നിവിൻ പോളി രാജീവ് രവി സംവിധാനം ചെയ്യുന്ന തുറമുഖം എന്ന ചിത്രത്തിെൻറ പോസ്റ്ററും പുറത്തുവിട്ടിട്ടുണ്ട്. നിവിനെ കൂടാതെ ഇന്ദ്രജിത്ത് സുകുമാരൻ, നിമിഷ സജയൻ, അര്‍ജുൻ അശോകൻ, പൂര്‍ണ്ണിമ ഇന്ദ്രജിത്ത്, മണികണ്ഠൻ ആര്‍ ആചാരി എന്നിവരും തുറമുഖത്തിൽ വേഷമിടുന്നുണ്ട്. 1962 വരെ കൊച്ചിയില്‍ നിലനിന്നിരുന്ന ചാപ്പ തൊഴില്‍ വിഭജന സമ്പ്രദായവും, ഇത് അവസാനിപ്പിക്കാന്‍ തൊഴിലാളികള്‍ നടത്തിയ സമരവുമാണ് ചിത്രത്തി പ്രധാന പ്രമേയം.
Thuramukham 🔥
#RajeevRavi
#SukumarThekkepat
#GopanChidambaran
Posted by Nivin Pauly on Sunday, 11 October 2020
നിവിൻ പോളിയുടേതായി പുതിയ ചിത്രവും ഇന്ന് പ്രഖ്യാപിച്ചിരിക്കുകയാണ്. പോളി ജൂനിയറിെൻറ ബാനറിൽ നിവിൻ പോളി തന്നെ നിർമിക്കുന്ന പുതിയ ചിത്രത്തിെൻറ പേര് 'കനകം കാമിനി കലഹം' എന്നാണ്. സംവിധാനം ചെയ്യുന്നത് നവാഗതനായ രതീഷ് ബാലകൃഷ്ണൻ പൊതുവാളും.
#KanakamKaaminiKalaham 😍
Pauly Jr Pictures proudly announce our next with the talented #RatheeshBalakrishnanPoduval. Rolling soon 😊
#kakaaka
Posted by Nivin Pauly on Sunday, 11 October 2020
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.