പൃഥ്വിരാജ്- ബ്ലെസി ചിത്രമായ ആടുജീവിതത്തെ പ്രശംസിച്ച് നടനും സംവിധായകനുമായ മാധവൻ.അവിശ്വസനീയം എന്നാണ് മാധവൻ എക്സിൽ കുറിച്ചത്. 'എന്തൊരു അവിശ്വസനീയമായ സിനിമ, എന്റെ പ്രിയ സഹോദര ഞാൻ നിങ്ങളെയോർത്ത് അഭിമാനിക്കുന്നു. കൂടാതെ ഇന്ത്യൻ സിനിമയുടെ ശേഷി കാണിച്ചുകൊടുത്തതിൽ നന്ദി'- മാധവൻ എക്സിൽ കുറിച്ചു. പൃഥ്വിരാജ് നന്ദിയും റിയിച്ചിട്ടുണ്ട്.
പൃഥ്വിരാജിനെ നായകനാക്കി ബ്ലെസി സംവിധാനംചെയ്ത 'ആടുജീവിതം' മികച്ച അഭിപ്രായം നേടി പ്രദർശനം തുടരുകയാണ്. മാർച്ച് 28 ന് പാൻ ഇന്ത്യൻ റിലീസായിട്ടാണ് ചിത്രം തിയറ്ററുകളിൽ എത്തിയത്. അമല പോളാണ് നായിക.ചിത്രത്തെ പ്രശംസിച്ച് സിനിമാ പ്രവർത്തകരും എത്തിയിട്ടുണ്ട്.
2008-ൽ ചർച്ച തുടങ്ങിയ 'ആടുജീവിത'ത്തിന്റെ ചിത്രീകരണം 2018-ലാണ് ആരംഭിച്ചത്.2023 ജൂലൈ 14-നാണ് ചിത്രം പൂർത്തിയായത്. ജോർദാനിലായിരുന്നു ചിത്രത്തിന്റെ മുഖ്യപങ്കും ഷൂട്ട് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.