മുംബൈ: രാഖി സാവന്തിന്റെ പരാതിയിൽ ഭർത്താവ് ആദിൽ ഖാൻ ദുറാനിക്കെതിരെ കേസ്. കോടതിയിൽ ഹാജരാക്കിയ ദുറാനിയെ അന്തേരി കോടതി ജുഡീഷ്യൽ കസ്റ്റഡിയിൽ വിട്ടു. ഭർത്താവ് പ്രകൃതി വിരുദ്ധ പീഡനത്തിനിരയാക്കിയെന്നും പണവും സ്വർണവും തട്ടിയെടുക്കാൻ ശ്രമിച്ചുവെന്നും ആരോപിച്ചാണ് രാഖി പരാതി നൽകിയത്.
ഭർത്താവ് തന്റെ ജീവിതം നശിപ്പിച്ചുവെന്നും മർദിച്ചുവെന്നും രാഖി നേരത്തെ ആരോപണം ഉന്നയിച്ചിരുന്നു. തന്റെ കൈ ഭർത്താവ് തല്ലിയൊടിച്ചുവെന്നും പെൺസുഹൃത്തുമായാണ് ഇപ്പോഴും ആദിൽ കഴിയുന്നതെന്നും രാഖി പറഞ്ഞിരുന്നു. തുടർന്ന് ഫെബ്രുവരി ആറിന് ആദിലിനെതിരെ രാഖി പൊലീസിൽ പരാതി നൽകി.
പരാതിയുടെ അടിസ്ഥാനത്തിൽ ഫെബ്രുവരി ഏഴിനാണ് മുംബൈ പൊലീസ് ആദിലിനെ അറസ്റ്റ് ചെയ്തത്. 2022 ജനുവരിയിൽ വ്യാപാര ആവശ്യങ്ങൾക്കായി രാഖിയുംആദിലും ജോയിന്റ് ബിസിനസ് അക്കൗണ്ട് തുടങ്ങിയിരുന്നു. ഇതിൽ നിന്നും 1.5 കോടി ദുറാനി പിൻവലിച്ച് കാർ വാങ്ങിയെന്നും പരാതിയിൽ പറയുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.