തന്റെ ചിത്രമായ' ജവാനി' ലെ സിന്ദ ബന്ദ എന്ന ഗാനത്തിന് ചുവടുവെച്ച മോഹൻലാലിന് ആശംസയുമായി ബോളിവുഡ് താരം ഷാറൂഖ് ഖാൻ എത്തിയിരുന്നു.മോഹൻലാൽ അതിശയിപ്പിച്ചുവെന്നാണ് നൃത്ത വിഡിയോ എക്സിൽ പങ്കുവെച്ച് കൊണ്ട് ഷാറൂഖ് കുറിച്ചത്. കൂടാതെ ഡിന്നർ കഴിക്കാൻ വീട്ടിലേക്ക് ക്ഷണിക്കുകയും ചെയ്തു.
ഇപ്പോഴിതാ ഷാറൂഖിന് മറുപടിയുമായി മോഹൻലാൽ എത്തിയിരിക്കുകയാണ്. ഷാറൂഖിനെ പോലെ നൃത്തം ചെയ്യാൻ ആർക്കും കഴിയില്ലെന്നാണ് മോഹൻലാൽ പറയുന്നത്. കൂടാതെ ഡിന്നർ മാത്രം പോരെന്നും പ്രഭാത ഭക്ഷണവും വേണമെന്നും മോഹൻലാൽ ട്വീറ്റ് ചെയ്തു.
'പ്രിയ ഷാറൂഖ്, നിങ്ങളെപ്പോലെ മറ്റാർക്കും ഇത് ചെയ്യാൻ കഴിയില്ല. അനുകരണം പോലും അസാധ്യമാകുന്ന വിധം, സ്വന്തം ശൈലിയിൽ ജീവിക്കുന്ന വ്യക്തിയാണ്, ഒറിജനൽ സിന്ദാ ബന്ദാ! നല്ല വാക്കുകൾക്ക് നന്ദി. പിന്നെ... ഡിന്നർ മാത്രം മതിയോ? പ്രാതലിലും നമുക്കൊരു 'സിന്ദാ ബന്ദാ' പിടിച്ചാലോ?', മോഹൻലാൽ മറുപടിയായി എക്സിൽ കുറിച്ചു.
ഒരു അവാർഡ് നിശയിലാണ് ' ജവാനി' ലെ സിന്ദ ബന്ദ എന്ന് തുടങ്ങുന്ന ഗാനത്തിന് മോഹൻലാൽ ചുവടുവെച്ചത്. താരത്തിന്റെ നൃത്ത വിഡിയോ സോഷ്യൽ മീഡിയയിൽ വൈറലാണ്. ഷാറൂഖ് ഖാൻ ആരാധകരും കിങ് ഖാന്റെ വിഡിയോ ഏറ്റെടുത്തിട്ടുണ്ട്.
പോയവർഷം ബോളിവുഡിൽ ഏറ്റവും കൂടുതൽ കളക്ഷൻ നേടിയ ചിത്രമായിരുന്നു ഷാറൂഖ് ഖാന്റെ ജവാൻ. തമിഴ് സംവിധായകൻ അറ്റ്ലിയാണ് ചിത്രം ഒരുക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.