സുരേഷ് ഗോപി അഭിനയിക്കുന്ന 257ാംമത്തെ സിനിമക്ക് തുടക്കം. സനൽ വി.ദേവനാണ് ഈ ചിത്രം സംവിധാനം ചെയ്യുന്നത്. കുഞ്ഞമ്മിണിസ് ഹോസ്പിറ്റൽ എന്ന ചിത്രത്തിലൂടെ ഏറെ ശ്രദ്ധേയനായ സംവിധായകനാണ് സനൽ .വി.ദേവൻ.മാവെറിക് മൂവീസ് പ്രൈവറ്റ് ലിമിറ്റഡ്, ഇൻ അസ്സോസ്സിയേഷൻ വിത്ത് സഞ്ജയ് പടിയൂർ എൻറർടൈൻമെൻ്റിൻ്റെ ബാനറിൽ വിനീത് ജയ്നും, സഞ്ജയ്പടിയൂരും ചേർന്നാണ് ഈ ചിത്രം നിർമ്മിക്കുന്നത്.
പൂർണ്ണമായും ത്രില്ലർ ജോണറിൽ അവതരിപ്പിക്കുന്ന ചിത്രത്തിൽ ഗൗതം മേനോനും സുരാജ് വെഞ്ഞാറമൂടും മുഖ്യവേഷത്തിലെത്തുന്നുണ്ട്. ഇവർക്കു പുറമെ മലയാളത്തിലെ പ്രമുഖ താരങ്ങളും ഈ ചിത്രത്തിൽ അണിനിരക്കുന്നുണ്ട്.
കഥ - ജിത്തു.കെ.ജയൻ, മനു: സി. കുമാർ എന്നിവരുടെതാണ് കഥ. മനുവാണ് തിരക്കഥ ഒരുക്കിയിരിക്കുന്നത്. ഛായാഗ്രഹണം - അജയ് ഡേവിഡ് കാച്ചപ്പളളി. എഡിറ്റിങ് - മൺസൂർ മുത്തുട്ടിയും നിർവഹിക്കുന്നു.ഡിസംബർ പതിനെട്ടു മുതൽ ചിത്രത്തിന്റെ ചിത്രീകരണം ആരംഭിക്കുന്നു. അങ്കമാലി കാലടി എന്നിവടങ്ങളിലാണ് പ്രധാന ലൊക്കേഷനുകൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.