കൊച്ചി: സാകോൺ മീഡിയയുടെ ഹ്രസ്വചിത്രം 'ദി അദർ സൈഡി'ന്‍റെ ടൈറ്റിൽ പോസ്റ്റർ പുറത്തിറങ്ങി. 'The Countdown Begins to Reveal the Otherside' എന്ന ശീർഷകത്തോടെ മൂന്ന് വ്യത്യസ്ത പോസ്റ്ററുകളാണ് പുറത്തിറങ്ങിയത്. ക്യാപ്റ്റൻ, വെള്ളം, മേരീ ആവാസ് സുനൊ എന്നീ ചിത്രങ്ങളുടെ സംവിധായകൻ ജി. പ്രജേഷ് സെൻ, കോസ്റ്റ്യൂം ഡിസൈനറും 'മേരീ ആവാസ് സുനൊ' കോ-പ്രൊഡ്യൂസറുമായ ആൻ സരിഗ, ഗാനരചയിതാവ് നിധീഷ് നടേരി തുടങ്ങിയവർ ഫേസ് ബുക്കിൽ പോസ്റ്റർ പങ്കുവെച്ചു. പുതിയ കാലഘട്ടത്തിലെ ഗൗരവമേറിയ വിഷയമാണ് ചിത്രത്തിന്‍റെ പ്രമേയമെന്ന് സംവിധായകൻ അൻസാർ നെടുമ്പാശ്ശേരി ഫേസ്ബുക്കിൽ കുറിക്കുന്നു.
നിർമാതാവു കൂടിയായ ഷിഹാബ് സാകോണിന്‍റെ കഥയ്ക്ക് അസോസിയേറ്റ് ഡയറക്ടർ എം. കുഞ്ഞാപ്പ തിരക്കഥയെഴുതി. നൗഷാദ് ഷെരീഫ് ആണ് ഛായാഗ്രഹണം.കലാസംവിധാനം: റഹ്മാൻ ഡിസൈൻ, ചിത്രസംയോജനം: രാജീവ് രാമചന്ദ്രൻ, സംഗീതം: ഷിയാദ് കബീർ, സ്റ്റിൽസ്: ഷാജി വർണം, പ്രൊഡക്ഷൻ കൺട്രോളർ: നിസാർ വാരാപ്പുഴ, പ്രൊഡഷ്ഷൻ എക്സിക്യൂട്ടീവ്: കെ.എ. നജീബ്. കാമറ സഹായികൾ: രോഹിത് കിഷോർ, അഖിൽ കൃഷ്ണനാഥൻ, അനന്ദു, നിഥിൻ പ്രദീപ്, ആർട്ട് സഹായി: മുഹമ്മദ് നിഹാൽ, ക്രിയേറ്റീവ് സപ്പോർട്ട്: അൻസാർ പള്ളിപ്പുറം, പോസ്റ്റർ & പബ്ലിസിറ്റി ഡിസൈൻ: എം. കുഞ്ഞാപ്പ എന്നിവരാണ് മറ്റു അണിയറ പ്രവർത്തകർ.
ജനുവരി 15ന് ചിത്രം റിലീസ് ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.