സ​ങ്കീ​ർ​ണ​ത​ക​ളു​ടെ ലോ​ക​ത്തേ​ക്കൊ​രു വെ​ളി​ച്ചം

മാ​ര​ക​രോ​ഗ​ത്തി​ന് അ​ടി​മ​പ്പെ​ട്ട പി​താ​വി​നെ പ​രി​ച​രി​ക്കാ​ൻ ഒ​ത്തു​കൂ​ടു​ന്ന മൂ​ന്നു സ​ഹോ​ദ​രി​മാ​രു​ടെ ക​ഥ പ​റ​യു​ന്ന ഇം​ഗ്ലീ​ഷ് ചി​ത്ര​മാ​ണ് ‘ഹി​സ് ത്രീ ​ഡോ​ട്ടേ​ഴ്സ്’ (അ​യാ​ളു​ടെ മൂ​ന്ന് പെ​ൺ​മ​ക്ക​ൾ). ഈ ​പെ​ൺ​കു​ട്ടി​ക​ൾ ചി​ല സാ​ഹ​ച​ര്യ​ങ്ങ​ൾകൊ​ണ്ട് വേ​ർ​പി​രി​ഞ്ഞ​വ​രാ​യി​രു​ന്നു. എ​ന്നാ​ൽ, പി​താ​വി​നെ പ​രി​ച​രി​ക്കു​ക​യെ​ന്ന ല​ക്ഷ്യ​ത്തോ​ടെ കു​ട്ടി​ക്കാ​ല​ത്തെ വീ​ട്ടി​ൽ വീ​ണ്ടും ഒ​ന്നി​ക്കു​ന്ന അ​വ​ർ​ക്ക് സം​ഭ​വി​ക്കു​ന്ന വൈ​കാ​രി​ക ക​ഥ​യാ​ണ് ഇ​തി​ൽ പ​റ​യു​ന്ന​ത്. സ​ങ്ക​ട ക​ഥ എ​ന്ന​തി​ന​പ്പു​റം പ​രി​ഹ​രി​ക്ക​പ്പെ​ടാ​ത്ത പി​രി​മു​റു​ക്ക​ങ്ങ​ളും ദീ​ർ​ഘ​കാ​ല​ത്തെ കു​ടും​ബ ക​ല​ഹ​ങ്ങ​ളും വ​ഴ​ക്കു​ക​ളു​മൊ​ക്കെ സി​നി​മ​യി​ൽ ഉ​യ​ർ​ന്നു​വ​രു​ന്നു​ണ്ട്.

അ​മേ​രി​ക്ക​ൻ ച​ല​ച്ചി​ത്ര​കാ​ര​ൻ അ​സാ​സ​ൽ ജേ​ക്ക​ബ്സ് ആ​ണ് സി​നി​മ​യു​ടെ തി​ര​ക്ക​ഥ​യും സം​വി​ധാ​ന​വും നി​ർ​വ​ഹി​ച്ച​ത്. മ​ര​ണ​ത്തി​ന്‍റെ സ​മ്മ​ർ​ദ​ത്തി​നു കീ​ഴി​ലു​ള്ള കു​ടും​ബ​ബ​ന്ധ​ങ്ങ​ളു​ടെ സ​ങ്കീ​ർ​ണ​ത​ക​ളെ വെ​ളി​ച്ച​ത്ത് കൊ​ണ്ടു​വ​രു​ന്ന, ആ​ഴ​ത്തി​ൽ ച​ലി​ക്കു​ന്ന ക​ഥാ​പാ​ത്ര​ങ്ങ​ളെ അ​ടി​സ്ഥാ​ന​മാ​ക്കി​യാ​ണ് അ​ദ്ദേ​ഹം ഈ ​സി​നി​മ ചി​ത്രീ​ക​രി​ച്ചി​രി​ക്കു​ന്ന​ത്.

ദീ​നം ബാ​ധി​ച്ചൊ​രാ​ളെ പ​രി​ച​രി​ക്കു​മ്പോ​ൾ സ്വാ​ഭാ​വി​ക​മാ​യും സം​ഭ​വി​ക്കു​ന്ന കു​ടും​ബ പ്ര​ശ്ന​ങ്ങ​ളൊ​ക്കെ ത​ന്നെ​യാ​ണ് ഇ​തി​ലും പ​റ​യു​ന്ന​തെ​ങ്കി​ലും ഈ ​വി​ഷ​യ​ത്തെ വ്യ​ത്യ​സ്ത ത​ല​ത്തി​ൽ അ​വ​ത​രി​പ്പി​ക്കാ​ൻ സം​വി​ധാ​യ​ക​ന് സാ​ധി​ച്ചെ​ന്ന് നി​സ്സം​ശ​യം പ​റ​യാം.

ക​ഥ മൂ​ന്ന് സ​ഹോ​ദ​രി​മാ​രെ കേ​ന്ദ്രീ​ക​രി​ക്കു​ന്നു. കാ​റ്റി​യാ​യി കാ​രി കൂ​ൺ, റേ​ച്ച​ലാ​യി ന​താ​ഷ ലി​യോ​ൺ, ക്രി​സ്റ്റീ​ന​യാ​യി എ​ലി​സ​ബ​ത്ത് ഓ​ൾ​സെ​ൻ എ​ന്നി​വ​രാണ് എത്തന്നത്. സ​ഹോ​ദ​രന്മാ​രു​ടെ പി​രി​മു​റു​ക്ക​ത്തി​ന്‍റെ​യും അ​നു​ര​ഞ്ജ​ന​ത്തി​ന്‍റെ​യും അ​സം​സ്കൃ​ത നി​മി​ഷ​ങ്ങ​ൾ, ചി​ല​പ്പോ​ഴൊ​ക്കെ സ​ങ്ക​ടം, മു​ൻ നീ​ര​സ​ങ്ങ​ൾ, അ​വ​രു​ടെ വ​രാ​നി​രി​ക്കു​ന്ന ന​ഷ്ടം എ​ന്നി​വ​യെ അ​ഭി​മു​ഖീ​ക​രി​ക്കു​മ്പോ​ൾ, അ​ടി​വ​ര​യി​ടാ​ത്ത വി​കാ​ര​ങ്ങ​ളെ​ക്കു​റി​ച്ചു​ള്ള ഒ​രു പ​ഠ​ന​മാ​യി ഈ ​സി​നി​മ​യെ കാ​ണാ​ൻ സാ​ധി​ക്കും.

സി​നി​മ​യു​ടെ ഭൂ​രി​ഭാ​ഗ​വും ന​ട​ക്കു​ന്ന​ത് അ​വ​രു​ടെ പി​താ​വി​ന്‍റെ അ​പ്പാ​ർ​ട്മെ​ന്‍റി​ലാ​ണ്. അ​വി​ടെ സ​ഹോ​ദ​രി​മാ​ർ ശാ​രീ​രി​ക​വും വൈ​കാ​രി​ക​വു​മാ​യ ഇ​ടം നാ​വി​ഗേ​റ്റ് ചെ​യ്യു​ന്നു. സാ​ഹ​ച​ര്യ​ത്തി​ന്‍റെ ശ്വാ​സം മു​ട്ടി​ക്കു​ന്ന പി​രി​മു​റു​ക്കം പ്ര​തി​ഫ​ലി​പ്പി​ക്കാ​ൻ സം​വി​ധാ​യ​ക​ൻ അ​പ്പാ​ർട്മെ​ന്‍റി​നെ ഒ​രു കാ​ൻ​വാ​സാ​യി ചി​ത്ര​ത്തി​ൽ ഉ​പ​യോ​ഗി​ച്ച​ത് മ​നോ​ഹ​ര​മാ​യി. നാ​ട​കീ​യ പ്ലോ​ട്ടോ ട്വി​സ്റ്റു​ക​ളോ സി​നി​മ​യി​ലി​ല്ലെ​ങ്കി​ലും നല്ല നി​മി​ഷ​ങ്ങ​ൾ ന​മ്മെ ഇ​തി​ലേ​ക്ക് ആ​ക​ർ​ഷി​ക്കും. ഒ​രു നോ​ട്ടം, ഒ​രു അ​ഭി​പ്രാ​യം, പ​ങ്കു​വെ​ച്ച ഒ​രോ​ർ​മ ഇ​വ​യൊ​ക്കെ പ്രേ​ക്ഷ​ക​നൊ​രു വൈ​കാ​രി​ക ഉ​ണ​ർ​വ് ന​ൽ​കു​ന്നു.

സാം ​ലെ​വി​യു​ടെ ഛായാ​ഗ്ര​ഹ​ണം കാ​ഴ്ച​യു​ടെ സൂ​ക്ഷ്മബി​ന്ദു​ക്ക​ളെ​യും ഒ​പ്പി​യെ​ടു​ക്കു​ന്നു​ണ്ട്. അ​പ്പാ​ർട്മെ​ന്‍റി​ന്‍റെ ഇ​ന്‍റീ​രി​യ​റി​ന്‍റെ നി​ശ്ശബ്ദ ടോ​ണു​ക​ൾ ഏ​റെ ആ​ക​ർ​ഷ​ക​മാ​യി തോ​ന്നും. ഇ​ത്ത​രം രം​ഗ​ങ്ങ​ൾ ക​ഥാ​പാ​ത്ര​ങ്ങ​ളു​ടെ വൈ​കാ​രി​ക ക്ഷീ​ണം പ്ര​തി​ഫ​ലി​പ്പി​ക്കാ​ൻ സ​ഹാ​യി​ച്ചി​ട്ടു​ണ്ട്. ക്ലോ​സ്ട്രോ​ഫോ​ബി​ക് ഫ്രെ​യി​മി​ങ് ഉ​പ​യോ​ഗി​ച്ച​തി​ലൂ​ടെ പ്രേ​ക്ഷ​ക​ർ​ക്ക് അ​ഭി​നേ​താ​വി​ന്‍റെ സ്വ​കാ​ര്യനി​മി​ഷ​ങ്ങ​ളി​ൽ ക​ട​ന്നു​ക​യ​റു​ന്ന​താ​യി ഒ​രു​പ​ക്ഷേ അ​നു​ഭ​വ​പ്പെ​ടാം.

കു​ടും​ബ​ത്തി​ന്‍റെ ച​ല​നാ​ത്മ​ക​ത, സ​ങ്ക​ടം, പ​റ​യാ​ത്ത പ്ര​ണ​യം എ​ന്നി​വ​യു​ടെ അ​സം​സ്കൃ​ത വൈ​കാ​രി​ക ഭൂ​പ്ര​ദേ​ശ​ങ്ങ​ളി​ലേ​ക്ക് ക​ട​ന്നു​ചെ​ല്ലു​ന്ന സി​നി​മ​യാ​യി ‘ഹി​സ് ത്രീ ​ഡോ​ട്ടേ​ഴ്സി’​നെ വി​ശേ​ഷി​പ്പി​ക്കാം. വൈ​കാ​രി​ക​ത​യോ​ടൊ​പ്പം ശാ​ന്ത​വും ശ​ക്ത​വു​മാ​യ ഒ​രു സി​നി​മ​യാ​ണി​ത്. പ്രി​യ​പ്പെ​ട്ട ഒ​രാ​ളു​ടെ അ​വ​സാ​ന നാ​ളു​ക​ളി​ൽ നി​ങ്ങ​ൾ​ക്ക് എ​പ്പോ​ഴെ​ങ്കി​ലും എ​ത്തി​പ്പെ​ടേ​ണ്ടിവ​ന്നി​ട്ടു​ണ്ടെ​ങ്കി​ൽ ഈ ​സി​നി​മ നി​ങ്ങ​ളെ ഒ​രു​പ​ക്ഷേ പി​ടി​ച്ചി​രു​ത്താ​നി​ട​യു​ണ്ട്.