ജ്ജ് പന്തൾച്ചാണ്ടോ?

വെ​റും നാ​ലു മി​നി​റ്റ് മാ​ത്രം ദൈ​ർ​ഘ്യ​മു​ള്ള ഈ ​ഗാ​ന​ത്തി​ലൂ​ടെ മ​ല​പ്പു​റ​വും ഫു​ട്ബാ​ളും ത​മ്മി​ലു​ള്ള ബ​ന്ധം അ​വ​ത​രി​പ്പിക്കുന്നു

‘മ്മാ​ന്റെ കു​ട്ടീ​ന്റെ മോ​റെ​ന്താ വാ​ട​ണ് പ​ന്ത​ൾ​ച്ചാം പോ​വാ...’ കാ​ൽ​പ്പ​ന്തി​ന് ചു​റ്റും പാ​യു​ന്ന മ​ല​പ്പു​റ​ത്തെ ഒ​രു ടീം ​ന​ല്ല കി​ടി​ല​ൻ ഫു​ട്ബാ​ൾ റാ​പ്പു​മാ​യി വ​ന്നാ​ലോ, സീ​നാ​കെ മാ​റും. മ​ല​പ്പു​റ​ത്തി​ന്റെ ത​നി നാ​ട​ൻ ഭാ​ഷ​യി​ൽ ‘പ​ന്ത​ൾ​ച്ചാം പോ​വാ...’ എ​ന്നു തു​ട​ങ്ങു​ന്ന ഫു​ട്ബാ​ൾ റാ​പ്പ് ‘പ​ന്ത​ൾ ചാ​ന്റ്’ പാ​ട്ടി​ന്റെ കാ​ഴ്ച​ക്കാ​രു​ടെ എ​ണ്ണം മൂ​ന്ന് ദ​ശ​ല​ക്ഷം പി​ന്നി​ട്ടു​ക​ഴി​ഞ്ഞു. റാ​പ് താ​രം ഡ​ബ്‌​സി, ബേ​ബി ജീ​ൻ, ജോ​ക്ക​ർ എ​ന്നി​വ​ർ അ​ണി​നി​ര​ന്ന, മു​ഹ്സി​ൻ പ​രാ​രി സം​വി​ധാ​നം ചെ​യ്ത മ​ല​പ്പു​റ​ത്തി​ന്റെ സ്വ​ന്തം ‘പ​ന്ത​ൾ ചാ​ന്റ്’ എ​ന്ന പാ​ട്ട് യൂ​ട്യൂ​ബി​ൽ വൈ​റ​ലാ​ണി​പ്പോ​ൾ. മ​ല​പ്പു​റ​ത്തു​നി​ന്നു​ള്ള​വ​രാ​ണ് പാ​ട്ടൊ​രു​ക്കി​യി​രി​ക്കു​ന്ന നാ​ലു​പേ​രും.

വെ​റും നാ​ലു മി​നി​റ്റ് നാ​ല് സെ​ക്ക​ൻ​ഡ് മാ​ത്രം ദൈ​ർ​ഘ്യ​മു​ള്ള ഈ ​ഗാ​ന​ത്തി​ലൂ​ടെ മ​ല​പ്പു​റ​ത്തു​കാ​രും ഫു​ട്ബാ​ളും ത​മ്മി​ലു​ള്ള ബ​ന്ധ​ത്തെ അ​വ​ത​രി​പ്പി​ക്കു​ക​യാ​ണ് മു​ഹ്സി​ൻ പ​രാ​രി. നാ​ട്ടി​ൻ​പു​റ​ത്തെ ഒ​രു ഗ്രൗ​ണ്ടി​ലേ​ക്ക് ഫു​ട്ബാ​ൾ ക​ളി​ക്കാ​ൻ ഒ​രാ​ൾ ഇ​റ​ങ്ങി ആ ​ക​ളി ക​ഴി​ഞ്ഞ് തി​രി​ച്ച് ക​യ​റു​ന്ന​തു​വ​രെ​യു​ള്ള സം​ഭാ​ഷ​ണ​ങ്ങ​ളാ​ണ് ഈ ​റാ​പ്പി​ന്റെ വ​രി​ക​ൾ.

‘പ​ന്ത​ൾ​ച്ചാം പോ​വാ...’ എ​ന്നു​പ​റ​ഞ്ഞു​കൊ​ണ്ടാ​ണ് പാ​ട്ടു​തു​ട​ങ്ങു​ന്ന​ത്. ‘മ്മാ​ന്റെ കു​ട്ടീ​ന്റെ മോ​റെ​ന്താ വാ​ട​ണ് പ​ന്ത​ൾ​ച്ചാം പോ​വാ...’ എ​ന്ന് തു​ട​ർ​ന്ന് പാ​ട്ടി​ൽ വ​രി​ക​ൾ വ​രു​മ്പോ​ൾ പ​ന്തു​ക​ളി ഒ​രു നാ​ടി​നെ എ​ത്ര​ത്തോ​ളം സ​ന്തോ​ഷ​ത്തി​ലേ​ക്കാ​ണ് കൊ​ണ്ടു​പോ​കു​ന്ന​തെ​ന്ന് കാ​ണി​ക്കു​ന്നു. ഈ ​പാ​ട്ടി​ലെ ഓ​രോ വാ​ക്കും മ​ല​പ്പു​റ​ത്തി​ന്റെ ത​നി നാ​ട​ൻ ഭാ​ഷ​യി​ൽ​ത്ത​ന്നെ​യാ​ണ് എ​ഴു​തി​യി​രി​ക്കു​ന്ന​തും. മ​റ്റൊ​ര​ർ​ഥ​ത്തി​ൽ പ​റ​ഞ്ഞാ​ൽ ശു​ദ്ധ​ഭാ​ഷ​യു​മാ​യി വ​ന്ന് ഭാഷയുടെ പേരിൽ ക​ളി​യാ​ക്കു​ന്ന​വ​ർ​ക്കു​ള്ള ര​സ​ക​ര​മാ​യ മ​റു​പ​ടി​കൂ​ടി​യാ​ണ് ഈ ​വ​രി​ക​ൾ. പ​ന്തു​ക​ളി​യു​ണ്ടെ​ങ്കി​ൽ പി​ന്നെ മ​റ്റൊ​ന്നി​നും മാ​റ്റി​വെ​ക്കാ​ൻ സ​മ​യ​മി​ല്ലാ​ത്ത​വ​രാ​ണ് പാ​ട്ടി​ലെ ഈ ​നാ​ട്ടു​കാ​ർ. പ​ന്തു​ക​ളി​ക്കി​ടെ കു​ഴ​ങ്ങി​ക്കി​ത​ച്ച് തൊ​ട്ട​ടു​ത്ത വീ​ട്ടി​ലേ​ക്ക് ഓ​ടി​ച്ചെ​ന്ന് കി​ണ​റ്റി​ൽ​നി​ന്ന് വെ​ള്ളം​കോ​രി​ക്കു​ടി​ക്കു​ന്ന​തും ക​ളി​ക്ക​ള​ത്തി​ലെ പാ​സു​ക​ളു​ടെ രീ​തി​യും​വ​രെ പാ​ട്ടി​ൽ വ​രു​ന്നു​ണ്ട്. മ​ല​യാ​ളി​ക​ളു​ടെ പ്രി​യ ഫു​ട്ബാ​ൾ താ​രം ഐ.​എം. വി​ജ​യ​നും ഈ ​പാ​ട്ടി​ൽ പ്ര​ത്യ​ക്ഷ​പ്പെ​ടു​ന്നു. ഒ​പ്പം മെ​സ്സി അ​ട​ക്ക​മു​ള്ള താ​ര​ങ്ങ​ളു​ടെ റെ​ഫ​റ​ൻ​സും പാ​ട്ടി​ലു​ണ്ട്. മ​ല​പ്പു​റം ഭാ​ഷ​യു​ടെ പ്രാ​ദേ​ശി​ക​ഭം​ഗി​യും റാ​പ്പ്, ഹി​പ്ഹോ​പ്പ് ശൈ​ലി​ക​ളു​ടെ സൗ​ന്ദ​ര്യ​വും​കൂ​ടി ഒ​ന്നി​ച്ചു​ചേ​രു​മ്പോ​ൾ ഒ​രു പ്ര​ത്യേ​ക വൈ​ബി​ലേ​ക്ക് ഈ ​പാ​ട്ടെ​ത്തും. ഗാ​നം എ​ഴു​തി​യി​രി​ക്കു​ന്ന​ത് മു​ഹ്‌​സി​ൻ പ​രാ​രി​യും ബേ​ബി ജീ​നും ജോ​ക്ക​റും ഡ​ബ്‌​സി​യും ത​ന്നെ​യാ​ണ്. മ​ല​പ്പു​റ​ത്തെ എ​ട​വ​ണ്ണ സ്വ​ദേ​ശി​ക​ളാ​ണ് മു​ഹ്‌​സി​നും ജോ​ക്ക​റും. ബേ​ബി ജീ​നും ഡ​ബ്‌​സി​യും ച​ങ്ങ​രം​കു​ള​ത്തു​കാ​രും. നി​ല​മ്പൂ​രു​കാ​ര​ൻ റെ​യ്ത്ത് വി​യും വ​ലി​യ​പ​റ​മ്പ് സ്വ​ദേ​ശി എം.​എ​ച്ച്.​ആ​റും കൂ​ടി ചേ​ർ​ന്ന​പ്പോ​ൾ ഈ ​ഗാ​നം മ​​റ്റൊ​രു ആ​വേ​ശ​മാ​യി.

പെ​രി​ന്ത​ൽ​മ​ണ്ണ​യെ ചു​റ്റി​പ്പ​റ്റി​യാ​ണ് ഗാ​ന​ത്തി​ന്റെ വി​ഡി​യോ ചി​ത്രീ​ക​ര​ണ​ത്തി​ന്റെ ഏ​റി​യ പ​ങ്കും നി​ർ​വ​ഹി​ച്ചി​രി​ക്കു​ന്ന​ത്. മ​ല​പ്പു​റ​ത്തെ ഭാ​ഷ​യും കാ​ൽ​പ്പ​ന്തു​ക​ളി​യും എ​ന്നും ഒ​രു അ​ഭി​മാ​ന​മാ​ണെ​ന്ന് വീ​ണ്ടും വീ​ണ്ടും വി​ളി​ച്ചു​പ​റ​യു​ക​യാ​ണ് അ​ണി​യ​റ​യി​ലു​ള്ള​വ​ർ. റൈ​റ്റി​ങ് ക​മ്പ​നി​യു​ടെ ബാ​ന​റി​ലാ​ണ് ഈ ​മ്യൂ​സി​ക് വി​ഡി​യോ പു​റ​ത്തി​റ​ങ്ങി​യി​രി​ക്കു​ന്ന​ത്. വി​വി​ധ വി​ഭാ​ഗ​ങ്ങ​ളി​ൽ പു​റ​ത്തി​റ​ക്കു​ന്ന ആ​ൽ​ബ​ത്തി​ലെ മൂ​ന്നാ​മ​ത്തെ ഗാ​നം​കൂ​ടി​യാ​ണി​ത്. റെ​ക്സ് വി​ജ​യ​നാ​ണ് ഈ ​ഗാ​ന​ത്തി​ന്റെ ട്രാ​ക്സ് മി​ക്സും മാ​സ്റ്റ​റി​ങ്ങും കൈ​കാ​ര്യം ചെ​യ്തി​രി​ക്കു​ന്ന​ത്.