തക്ബീർ ധ്വനികൾക്കും പ്രാർഥനകൾക്കുമൊപ്പം ത്യാഗത്തിന്‍റെയും സഹജീവി സ്നേഹത്തിന്‍റെയും ഓർമപ്പെടുത്തലായി 'നിയ്യത്ത്'. നാദിർഷയുടെ സംഗീതത്തിൽ കലാഭവൻ നവാസ് മുഖ്യവേഷത്തിലെത്തുന്ന മ്യൂസിക്കൽ വീഡിയോ ഈ മാസം 20ന് വൈകിട്ട് അഞ്ചിന് മില്ലെനിയം ഓഡിയോസ് റിലീസ് ചെയ്യും.
ഹജ്ജിന് പോകണമെന്ന നടക്കാതെ പോയ ആഗ്രഹം നിയ്യത്ത് ആയി ഏറ്റെടുക്കുന്ന മകൻ അഭിമുഖികരിക്കുന്ന യാഥാർഥ്യങ്ങൾ മ്യൂസിക്കൽ വീഡിയോ ചൂണ്ടിക്കാട്ടുന്നത്. സഹനത്തിന്‍റെ സന്ദേശവുമായി നൻമ നിറയുന്ന നൊമ്പരമാവുകയാണ് തിയ്യത്ത്.
കലാഭവൻ നവാസിന്‍റെ ആശയത്തിൽ പിറന്ന നിയ്യത്ത്, 'മൈലാഞ്ചി മൊഞ്ചുള്ള വീട്' എന്ന സിനിമ ഒരുക്കിയ ബെന്നി തോമസാണ് സംവിധാനം ചെയ്തിരിക്കുന്നത്. ജലീൽ കെ. ബാവയുടെ വരികൾ ഒ.വി. ബഷീർ ആലപിക്കുന്നു. പൗളി വിൽസൺ, കലാഭവൻ നവാസ്, കൊച്ചിൻ ഹസനാർ, മക്കളായ റിഹാൻ നവാസ്, റിഥ്വാൻ നവാസ് എന്നിവരാണ് അഭിനയിക്കുന്നത്. ടി.ആർ. രമേഷ് കുമാർ നിർമാണം. എക്സിക്യൂട്ടീവ് പ്രൊഡ്യൂസർ താഹ മുഹമ്മദ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.