ഹാപ്പി വെഡിങ്, ചങ്ക്സ്, അഡാർ ലൗ എന്നീ ചിത്രങ്ങളിലൂടെ ശ്രദ്ധേയനായ സംവിധായകൻ ഒമർ ലുലു ആദ്യമായി ഒരുക്കുന്ന ഹിന്ദി ആൽബം ടി-സീരീസ് പുറത്തിറക്കുന്നു. വിർച്വൽ ഫിലിംസിന്റെ ബാനറിൽ രതീഷ് ആനേടത്ത് നിർമ്മിക്കുന്ന ഈ ആൽബത്തിൽ ദുബൈയിൽ നിന്നുള്ള മോഡലുകളായ അജ്മൽ ഖാനും ജുമാനാ ഖാനുമാണ് പ്രധാന വേഷത്തിലെത്തുന്നത്.
ചങ്ക്സ് എന്ന ചിത്രത്തിലെ 'മേക്കാനിക്കിലെ വിശ്വാമിത്രൻ' എന്ന സൂപ്പർ ഹിറ്റ് ഗാനത്തിലൂടെ മലയാളികൾക്ക് ഒമർ ലുലു പരിചയപ്പെടുത്തിയ ജുബൈർ മുഹമ്മദാണ് ഈ ആൽബത്തിന്റെയും സംഗീത സംവിധായകൻ. വിശാഖ് പി.വിയാണ് കാസ്റ്റിങ് ഡയറക്ടറായി എത്തുന്നത്. ഛായാഗ്രാഹണം: മുസ്തഫ അബുബക്കർ. ചീഫ് അസോസിയേറ്റായി അഥാൻ അബ്ബാസ്, അസോസിയേറ്റായി ഇഷ്‌റത് സൂരജ് സലീം, അസാദ് അബ്ബാസ്, ലൈൻ പ്രൊഡ്യൂസറായി ഫഹീം റഹ്മാൻ എന്നിവരും ആൽബത്തിന്റെ ഭാഗമാവുന്നു.
അജ്മൽ ഖാൻ ആദ്യമായി നായകനായി എത്തുന്ന ഈ മ്യൂസിക് വീഡിയോ ദുബൈയിൽ ആണ് പൂർണമായും ഷൂട്ട് ചെയ്തത്. ഗായകനും നടനുമായ പരീകുട്ടി പെരുമ്പാവൂർ, യു.എ.ഇയിൽ നിന്നുള്ള സഹിദ്‌ അഹമ്മദ്, ആയിഷ അയിഷി എന്നിവരും മറ്റു വേഷങ്ങളിൽ പ്രത്യക്ഷപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.