നീ​യെ​ന്ന ഗാ​ന​ത്തി​ൻ ചി​റ​കു​ക​ളേ​റി

രാ​ക്കി​ളി​ത​ൻ വ​ഴി മ​റ​യും നോ​വി​ൻ പെ​രു​മ​ഴ​ക്കാ​ലം, ക​ഥ​യ​മ​മ ക​ഥ​യ​മ​മ ക​ഥ​ക​ള​തി​സാ​ദ​രം, മ​ഴ കൊ​ണ്ടു മാ​ത്രം മു​ള​യ്ക്കു​ന്ന വി​ത്തു​ക​ള്‍ ചി​ല​തു​ണ്ട് മ​ണ്ണി​ന്‍ മ​ന​സ്സി​ല്‍, മ​ര​ണ​മെ​ത്തു​ന്ന നേ​ര​ത്തു നീ​യെ​ന്റെ അ​രി​കി​ൽ ഇ​ത്തി​രി നേ​രം ഇ​രി​ക്ക​ണേ... ഓ​രോ വ​രി​യി​ലും പ്ര​ണ​യ​വും വി​ര​ഹ​വും സ​ന്തോ​ഷ​വും. ഈ ​വ​രി​ക​ളെ​ക്കു​റി​ച്ച് ചോ​ദി​ക്കു​മ്പോ​ൾ

‘‘താ​ൻ എ​ന്തും എ​ഴു​താ​റി​ല്ല, എ​ന്തെ​ങ്കി​ലു​മു​ള്ള​തേ എ​ഴു​താ​റു​ള്ളൂ​’’ എന്ന് പ​റ​യു​ന്ന ക​വി റ​ഫീ​ക്ക് അ​ഹ​മ്മ​ദ്. പാ​ട്ടി​ന്റെ വ​രി​ക​ൾ കൊ​ണ്ട് മാ​യാ​ജാ​ലം തീ​ർ​ക്കു​ന്ന റ​ഫീ​ക്ക് അ​ഹ​മ്മ​ദി​നെ തേ​ടി ആ​റാം ത​വ​ണ​യും മി​ക​ച്ച ഗാ​ന​ര​ച​യി​താ​വി​നു​ള്ള കേ​ര​ള സം​സ്ഥാ​ന ച​ല​ചി​ത്ര പു​ര​സ്കാ​രം തേ​ടി​യെ​ത്തി. വീ​ണ്ടും ത​ന്നെ തേ​ടി പു​ര​സ്കാ​ര​മെ​ത്തി​യ​തി​ൽ സ​ന്തോ​ഷ​മു​ണ്ടെ​ന്ന് അദ്ദേഹം പ​റ​യു​ന്നു. അ​ദ്ദേ​ഹ​ത്തി​ന്റെ വാ​ക്കു​ക​ളി​ലൂ​ടെ...

തി​ര​മാ​ല​യാ​ണു നീ...

​സം​ഗീ​തം ചി​ട്ട​പ്പെ​ടു​ത്തി​യ​തി​നു ശേ​ഷം, അ​തി​ന​നു​സ​രി​ച്ച് എ​ഴു​തി​യ ഗാ​ന​മ​ല്ല ‘വി​ഡ്ഢി​ക​ളു​ടെ മാ​ഷ്’ എ​ന്ന സി​നി​മ​യി​ലെ ‘തി​ര​മാ​ല​യാ​ണു നീ...’ ​എ​ന്നു തു​ട​ങ്ങു​ന്ന ഗാ​നം. ക​ഥാ​സ​ന്ദ​ർ​ഭം വി​വ​രി​ച്ചു​ത​ന്ന​തി​നു ശേ​ഷം അ​വി​ടെ ഉ​ൾ​പ്പെ​ടു​ത്താ​ൻ പ​റ്റി​യ ഗാ​നം വേ​ണ​മെ​ന്നു സം​ഗീ​ത സം​വി​ധാ​യ​ക​ൻ ബി​ജി​ബാ​ൽ ആ​വ​ശ്യ​പ്പെ​ടു​ക​യാ​യി​രു​ന്നു. ആ​ശ​യം ഉ​ൾ​ക്കൊ​ണ്ട്, വ​രി​ക​ൾ എ​ഴു​തി​ക്കൊ​ടു​ത്തു. ‘തി​ര​മാ​ല​യാ​ണു നീ ​ക​ട​ലാ​യ ഞാ​ൻ നി​ന്നെ തി​ര​യു​ന്ന​തെ​ത്ര​മേ​ൽ അ​ർ​ഥ​ശൂ​ന്യം, നി​ഴ​ലി​നെ രൂ​പ​ത്തി​ൽ​നി​ന്നു​മ​ട​ർ​ത്തു​വാ​ൻ, നി​ശ​യെ നി​ലാ​വി​ൽ നി​ന്നി​ഴ​പി​രി​ക്കാ​ൻ, ഒ​രു പ​നി​നീ​ർ​പൂ​വി​ന്നി​ത​ളു​ക​ളി​ൽ​നി​ന്ന് പ​രി​മ​ളം മാ​ത്ര​മാ​യ് വേ​ർ​പെ​ടു​ത്താ​ൻ ക​ഴി​യു​ക​യി​ല്ലെ​ന്നു നാ​മ​റി​യു​ന്നു, ന​മ്മു​ടെ ശ്വ​സ​ന​ങ്ങ​ൾ ശ്രു​തി ചേ​ർ​ന്നി​രി​ക്ക​യ​ല്ലേ...’’ ഈ ​വ​രി​ക​ൾ​ക്കു ചേ​രു​ന്ന സം​ഗീ​തം അ​ദ്ദേ​ഹം ചി​ട്ട​പ്പെ​ടു​ത്തി. ചി​ത്ര​യു​ടെ ശ​ബ്ദം വ​രി​ക​ളു​ടെ തി​ള​ക്കം കൂ​ട്ടി. ഓ​ളം സൃ​ഷ്ടി​ക്ക​ണ​​മെ​ന്ന ഉ​ദ്ദേ​ശ്യ​ത്തോ​ടെ സൃ​ഷ്ടി​ച്ചൊ​രു ഗാ​ന​മ​ല്ലി​ത്. അ​തി​നാ​ലാ​യി​രി​ക്കാം ഈ ​ഗാ​നം പ​ല​രും ശ്ര​ദ്ധി​ക്കാ​തെ​പോ​യ​ത്. ഞാ​നെ​ഴു​തി​യ നി​ര​വ​ധി ഗാ​ന​ങ്ങ​ൾ ഇ​തു​പോ​ലെ ‘ഹി​റ്റ്’ ആ​കാ​തെ പോ​യി​ട്ടു​ണ്ട്.

ശ്രോ​താ​ക്ക​ൾ വി​ല​യി​രു​ത്ത​ട്ടെ...

എ​ന്താ​ണ് ഹി​റ്റ്? ചെ​റി​യൊ​രു കാ​ലം എ​ല്ലാ​വ​രും പാ​ടി​ന​ട​ക്കു​ക, അ​തി​നു​ശേ​ഷം നി​ർ​ദാ​ക്ഷി​ണ്യം വി​സ്മ​രി​ക്ക​പ്പെ​ടു​ക! അ​ങ്ങ​നെ​യു​ള്ള പാ​ട്ടു​ക​ൾ എ​ഴു​താ​ൻ എ​ന്നെ ആ​രും സ​മീ​പി​ക്കാ​റി​ല്ലെ​ന്ന​ത് സ​ത്യ​മാ​ണ്. റ​ഫീ​ക്ക് അ​ഹ​മ്മ​ദി​ന്റെ പ്ര​ശ​സ്ത ഗാ​ന​ങ്ങ​ൾ ഏ​തെ​ല്ലാ​മെ​ന്നു ചോ​ദി​ച്ചാ​ൽ, എ​ല്ലാ​വ​രും പ​റ​യു​ക 'സ്പി​രി​റ്റി'​ലെ 'മ​ഴ​കൊ​ണ്ടു മാ​ത്രം മു​ള​യ്ക്കു​ന്ന വി​ത്തു​ക​ൾ ചി​ല​തു​ണ്ട് മ​ണ്ണി​ൻ മ​ന​സ്സി​ൽ‍...' അ​ല്ലെ​ങ്കി​ൽ ‘മ​ര​ണ​മെ​ത്തു​ന്ന നേ​ര​ത്തു നീ​യെ​ന്റെ അ​രി​കി​ൽ ഇ​ത്തി​രി നേ​രം ഇ​രി​ക്ക​ണേ...’ തു​ട​ങ്ങി​യ വി​ര​ലി​ൽ എ​ണ്ണാ​വു​ന്ന​വ മാ​ത്ര​മാ​ണ്. എ​ന്നാ​ൽ, പ്ര​ശ​സ്ത​മാ​കേ​ണ്ടി​യി​രു​ന്ന ഒ​രു​പാ​ടു ഗാ​ന​ങ്ങ​ൾ വേ​റെ​യു​ണ്ട്. ആ ​പാ​ട്ടു​ക​ളൊ​ന്നും ജ​ന​ശ്ര​ദ്ധ നേ​ടാ​തി​രു​ന്ന​ത്, ഒ​രു​പ​ക്ഷേ അ​വ ഓ​ള​ങ്ങ​ൾ തീ​ർ​ക്കാ​തി​രു​ന്ന​തു​കൊ​ണ്ടാ​ണ്. ഇ​ന്നി​ന്റെ പ്ര​വ​ണ​ത​ക​ൾ​ക്ക​നു​സ​രി​ച്ചു​ള്ള വ​രി​ക​ളും സം​ഗീ​ത​വും ജ​ന​സ​മ്മ​തി നേ​ടാ​നു​ള്ള പ്ര​ധാ​ന കാ​ര​ണം അ​വ​യു​ടെ നി​ർ​മാ​ണം​ത​ന്നെ ഓ​ള​ങ്ങ​ൾ തീ​ർ​ക്ക​ണ​മെ​ന്ന ല​ക്ഷ്യം​വെ​ച്ചു​കൊ​ണ്ടാ​യാ​യി​രു​ന്നു എ​ന്ന​തി​നാ​ലാ​ണ്. ശ്രോ​താ​ക്ക​ളാ​ണ് വി​ല​യി​രു​ത്തേ​ണ്ട​തും, വി​ധി എ​ഴു​തേ​ണ്ട​തും. മാ​റു​ന്ന അ​ഭി​രു​ചി​ക​ൾ മ​ന​സ്സി​ലാ​ക്കു​ന്നു​ണ്ടെ​ങ്കി​ലും, ജ​ന​പ്രീ​തി വി​സ്മ​രി​ക്കു​ന്നി​ല്ലെ​ങ്കി​ലും, എ​ന്തും എ​ഴു​താ​റി​ല്ല, എ​ന്തെ​ങ്കി​ലു​മു​ള്ള​തേ എ​ഴു​താ​റു​ള്ളൂ. ഓ​ള​ങ്ങ​ള​ല്ല ല​ക്ഷ്യം!

വ​രി​ക​ൾ ജ​ന​പ്രി​യം

എ​ന്തെ​ങ്കി​ലു​മു​ള്ള അ​ക്ഷ​ര​ങ്ങ​ൾ എ​ഴു​തു​ന്ന​തി​ലേ അ​ർ​ഥ​മു​ള്ളൂ. അ​തി​ന് ക​ഴി​യു​ന്ന​ത് തേ​ടി​വ​രു​ന്ന​വ​ർ​ക്കു​വേ​ണ്ടി മാ​ത്രം എ​ഴു​തു​ന്ന​തു​കൊ​ണ്ടാ​ണ്. പാ​ട്ടു വേ​ണോ​യെ​ന്നു ചോ​ദി​ച്ച്, സി​നി​മ​ക്കാ​രു​ടെ പി​റ​കെ പോ​കാ​റി​ല്ല. അ​ത് ബാ​ധ്യ​ത​യാ​ണ്. പാ​ട്ടി​ന്റെ മാ​ത്ര​മ​ല്ല, ചി​​ത്ര​ത്തി​ന്റെ പ​രാ​ജ​യ​ത്തി​നു​പോ​ലും പാ​ട്ട് എ​ഴു​തി​യ ആ​ളി​നെ കു​റ്റ​പ്പെ​ടു​ത്തും. പ​ടം ചെ​യ്യു​ന്ന​വ​ർ​ക്ക് എ​ന്നെ​ക്കു​റി​ച്ചൊ​രു ധാ​ര​ണ​യു​ണ്ട്. അ​ത​നു​സ​രി​ച്ചാ​ണ് അ​വ​ർ സ​മീ​പി​ക്കു​ന്ന​ത്. ഞാ​ൻ എ​ന്തും എ​ഴു​താ​റി​ല്ലെ​ന്ന് അ​വ​ർ​ക്ക​റി​യാം.

മ​ൺ​വീ​ണ​യി​ൽ മ​ഴ ശ്രു​തി​യു​ണ​ർ​ത്തി...

ശ്യാ​മ​പ്ര​സാ​ദ് സം​വി​ധാ​നം ചെ​യ്ത ‘ശ​മ​ന​താ​ളം’ മെ​ഗാ​സീ​രി​യ​ലി​ൽ ചി​ത്ര പാ​ടി​യ ‘മ​ൺ​വീ​ണ​യി​ൽ മ​ഴ ശ്രു​തി​യു​ണ​ർ​ത്തി...’ എ​ന്നു തു​ട​ങ്ങു​ന്ന വ​രി​ക​ൾ എ​ഴു​തി​യ​പ്പോ​ഴാ​ണ് ആ​ദ്യം ശ്ര​ദ്ധി​ക്ക​പ്പെ​ട്ട​തെ​ന്നു തോ​ന്നു​ന്നു. അ​തേ സ​മ​യം മി​ക​വും ജ​ന​പ്രി​യ​ത​യും ത​മ്മി​ലു​ള്ള​ത് വ​സ്തു​നി​ഷ്ഠ​മ​ല്ലാ​ത്തൊ​രു ബ​ന്ധ​മാ​ണ്. എ​ല്ലാ​വ​ർ​ക്കും മ​ന​സ്സി​ലാ​കു​ന്ന ഭാ​ഷ​യി​ൽ, എ​ല്ലാ​വ​രെ​യും ആ​ക​ർ​ഷി​ക്കു​ന്ന രീ​തി​യി​ൽ എ​ഴു​തി​യാ​ലേ വ​രി​ക​ൾ​ക്കു സ്വീ​കാ​ര്യ​ത ല​ഭി​ക്കൂ. ‘മ​ൺ​വീ​ണ​യി​ൽ മ​ഴ ശ്രു​തി​യു​ണ​ർ​ത്തി മ​റ​വി​ക​ളെ​ന്തി​നോ ഹ​രി​ത​മാ​യി...’ എ​ന്ന ഗാ​നം ഏ​റെ പ്ര​ശ​സ്ത​മാ​യി. ക​ഥ​യി​ലെ രോ​ഗ​ഗ്ര​സ്ത​യാ​യ സ്ത്രീ​ക​ഥാ​പാ​ത്ര​ത്തി​നു​വേ​ണ്ടി ആ​യി​രു​ന്ന​ല്ലോ ഈ ​ഗാ​നം. താ​ള​ക്കേ​ടു​ക​ളി​ലൂ​ടെ സ​ഞ്ച​രി​ച്ച് ശ​മ​ന​താ​ള​ത്തി​ലെ​ത്താ​ൻ വെ​മ്പു​ന്ന​വ​രു​ടെ മൂ​ഡാ​ണ് ഈ ​ഗാ​ന​ത്തി​ൽ അ​ക്ഷ​ര​ങ്ങ​ളി​ലൂ​ടെ സൃ​ഷ്‌​ടി​ക്കാ​ൻ ശ്ര​മി​ക്കു​ന്ന​ത്. എം. ​ജ​യ​ച​ന്ദ്ര​ന്റെ സം​ഗീ​ത സം​വി​ധാ​ന​ത്തി​ൽ, ചി​ത്ര ഇ​ത്ര​യും ഹൃ​ദ​യ​സ്‌​പ​ർ​ശി​യാ​യ മ​റ്റൊ​രു പാ​ട്ട് പാ​ടി​യി​ട്ടി​ല്ല! ഈ ​ഗാ​ന​ത്തി​ന്റെ മാ​സ്മ​ര സം​ഗീ​ത​ത്തി​ന്റെ​യും തേ​നൂ​റും ശ​ബ്ദ​ത്തി​ന്റെ​യും കൂ​ടെ നി​ൽ​ക്കാ​ൻ ഈ ​വ​രി​ക​ൾ​ക്കു സാ​ധി​ച്ചു​വെ​ന്ന​തി​ൽ ഏ​റെ സ​ന്തോ​ഷ​മു​ണ്ട്. ഇ​തെ​ഴു​തു​മ്പോ​ൾ ഗാ​ന​ര​ച​ന​രം​ഗ​ത്ത് ഒ​രു തു​ട​ക്ക​ക്കാ​ര​നു​മാ​യി​രു​ന്നു. പ​ത്തു​മു​ന്നൂ​റു സി​നി​മ​ക​ളി​ലാ​യി എ​ഴു​നൂ​റി​നു​മേ​ൽ ഗാ​ന​ങ്ങ​ളെ​ഴു​തി​യ​ത് ഇ​വ​ക്കു ശേ​ഷ​മാ​ണ്.

മ​ഴ​കൊ​ണ്ടു​മാ​ത്രം...

മി​ക​ച്ച ഗാ​ന​ര​ച​യി​താ​വി​നു​ള്ള പു​ര​സ്കാ​രം ഞാ​ൻ നേ​ടി​യ​തും ഗാ​യ​ക​നു​ള്ള​ത് വി​ജ​യ് യേ​ശു​ദാ​സ് നേ​ടി​യ​തും 'മ​ഴ​കൊ​ണ്ടു​മാ​ത്രം...' എ​ന്ന ഗാ​ന​ത്തി​ലൂ​ടെ​യാ​ണ്. ‘മ​ഴ​കൊ​ണ്ടു മാ​ത്രം മു​ള​യ്ക്കു​ന്ന വി​ത്തു​ക​ൾ ചി​ല​തു​ണ്ട് മ​ണ്ണി​ൻ മ​ന​സ്സി​ൽ, പ്ര​ണ​യ​ത്തി​നാ​ൽ മാ​ത്രം എ​രി​യു​ന്ന ജീ​വ​ന്റെ തി​രി​ക​ളു​ണ്ടാ​ത്മാ​വി​നു​ള്ളി​ൽ…’ പ്ര​ണ​യി​ക്കു​ന്ന​വ​രും പ്ര​ണ​യ​മോ​ഹ​മു​ള്ള​വ​രും പ്ര​ണ​യി​ക്കാ​ത്ത​വ​രും ഈ ​വ​രി​ക​ൾ സ്വീ​ക​രി​ച്ചെ​ന്നു തോ​ന്നു​ന്നു. ന​ല്ല അ​ഭി​പ്രാ​യ​ങ്ങ​ൾ ഇ​പ്പോ​ഴും വ​ന്നു​കൊ​ണ്ടി​രി​ക്കു​ന്നു!

മ​ര​ണ​മെ​ത്തു​ന്ന നേ​ര​ത്ത്

‘മ​ര​ണ​മെ​ത്തു​ന്ന നേ​ര​ത്തു നീ​യെ​ന്റെ അ​രി​കി​ൽ ഇ​ത്തി​രി നേ​രം ഇ​രി​ക്ക​ണേ...’ എ​ന്നു തു​ട​ങ്ങു​ന്ന ഗാ​നം ന​ല്ലൊ​രു സ​ന്ദേ​ശം ന​ൽ​കു​ന്നു​വെ​ന്നാ​ണ് പൊ​തു​വെ​യു​ള്ള അ​ഭി​പ്രാ​യം. നേ​ര​ത്തേ എ​ഴു​തി​യ 'മ​ര​ണ​മെ​ത്തു​ന്ന നേ​ര​ത്ത്' എ​ന്ന ക​വി​ത​യാ​ണ് ‘സ്പി​രി​റ്റി’​ൽ ഗാ​ന​മാ​യി ഉ​പ​യോ​ഗി​ക്ക​പ്പെ​ട്ട​ത്. സം​വി​ധാ​യ​ക​ൻ ര​ഞ്ജി​ത്തി​ന് പ​ട​ത്തി​ലെ ഒ​രു പ്ര​ത്യേ​ക സ​ന്ദ​ർ​ഭ​ത്തി​ൽ ആ ​ക​വി​ത വ​ള​രെ അ​നു​യോ​ജ്യ​മാ​യി തോ​ന്നി​യ​തു​കൊ​ണ്ട് അ​ത് ഉ​ൾ​പ്പെ​ടു​ത്തു​ക​യാ​ണു​ണ്ടാ​യ​ത്. ‘മ​ര​ണ​മെ​ത്തു​ന്ന നേ​ര​ത്തു' സി​നി​മ​യി​ൽ വ​ന്ന​തി​നു​ശേ​ഷം കൂ​ടു​ത​ൽ ശ്രോ​താ​ക്ക​ൾ എ​ന്നെ ശ്ര​ദ്ധി​ക്കാ​ൻ തു​ട​ങ്ങി. ഇ​പ്പോ​ഴു​മ​തി​ന്റെ ഫീ​ഡ്ബാ​ക്കു​ക​ൾ കി​ട്ടി​ക്കൊ​ണ്ടി​രി​ക്കു​ന്നു.

ഞാ​ൻ സൈ​ക്കി​ൾ ഉ​പ​യോ​ഗി​ക്കു​ന്ന ആ​ളാ​ണ്. സൈ​ക്കി​ൾ ക​ട​യി​ൽ​ചെ​ന്ന് ഇ​ഷ്ട​പ്പെ​ട്ട​തൊ​ന്നു തി​ര​ഞ്ഞെ​ടു​ക്കു​ന്ന സ​മ​യ​ത്ത്, ക​ട​ക്കാ​ര​ന് എ​ന്നെ അ​റി​യി​ല്ലാ​യി​രു​ന്നു. ‘മ​ര​ണ​മെ​ത്തു​ന്ന നേ​ര​ത്തു...’ എ​ഴു​തി​യ ആ​ളാ​ണെ​ന്ന് പി​ന്നീ​ട് അ​റി​ഞ്ഞ​പ്പോ​ൾ, അ​യാ​ൾ സൈ​ക്കി​ൾ വീ​ട്ടി​ലെ​ത്തി​ച്ചു. എ​ത്ര നി​ർ​ബ​ന്ധി​ച്ചി​ട്ടും അ​തി​ന്റെ വി​ല സ്വീ​ക​രി​ച്ചി​ല്ല! ഈ ​പാ​ട്ട് എ​ഴു​തി​യ​തി​ന് സാ​ധാ​ര​ണ​ക്കാ​ര​നാ​യ ഒ​രു സ​ഹൃ​ദ​യ​ന്റെ സ​മ്മാ​ന​മാ​ണ​ത്. ആ ​സൈ​ക്കി​ളി​ന് ഒ​രു ബെ​ൻ​സ് കാ​റി​നേ​ക്കാ​ൾ വി​ല​യു​ണ്ട്!

ഗാ​ന​ര​ച​ന​യു​ടെ തു​ട​ക്കം

പ​ടം ചെ​യ്യു​ന്ന​വ​രു​ടെ നി​ർ​ദേ​ശ​ങ്ങ​ളാ​ണ് ആ​ദ്യ​ത്തെ ഇ​ൻ​പു​ട്ട്. പാ​ട്ടി​ന്റെ സാ​ഹ​ച​ര്യം, സം​ജാ​ത​മാ​ക്കേ​ണ്ട വൈ​കാ​രി​ക​ത മു​ത​ലാ​യ​വ​യെ​ല്ലാം മ​ന​സ്സി​ലാ​ക്കാ​ൻ ശ്ര​മി​ക്കും. പി​ന്നീ​ട് അ​വ വ​രി​ക​ളാ​യി മാ​റു​ന്ന​ത് തി​ക​ച്ചും സ്വാ​ഭാ​വി​ക​മാ​യാ​ണ്. ക​വി​ത​യു​ടെ സൃ​ഷ്ടി​യി​ൽ ബോ​ധ​പൂ​ർ​വ​മാ​യി ഒ​ന്നു​മി​ല്ല. എ​ല്ലാം യ​ദൃ​ച്ഛ​യാ സം​ഭ​വി​ക്കു​ന്നു. ആ​ശ​യ​ങ്ങ​ൾ​ക്ക് പൂ​ർ​വ​കാ​ല അ​നു​ഭ​വ​ങ്ങ​ളു​ടെ സ്വാ​ധീ​ന​മു​ണ്ടാ​കാം, പ​ക്ഷേ ക​വി​ത വ​ള​രെ ആ​ത്മ​നി​ഷ്ഠ​മാ​യി​ത്ത​ന്നെ​യാ​ണ് മ​ന​സ്സി​ൽ ഉ​ട​ലെ​ടു​ക്കു​ന്ന​ത്. ക​വി​ത​യു​ടെ ആ​ന്ത​രാ​ർ​ഥ​ങ്ങ​ൾ അ​തെ​ഴു​തു​മ്പോ​ഴു​ള്ള മ​നോ​വി​കാ​ര​ത്തി​ന് അ​നു​സ​രി​ച്ചു​വേ​ണം നി​ർ​വ​ചി​ക്കാ​ൻ. ആ​ന്ത​രാ​ർ​ഥ​ങ്ങ​ളി​ൽ വ്യ​തി​യാ​ന​മു​ണ്ടാ​കു​ന്ന​ത് ബോ​ധ​പൂ​ർ​വം തി​ര​ഞ്ഞെ​ടു​ത്തു ന​ട​ത്തു​ന്ന ര​ച​ന​ക​ളി​ലാ​ണ്. എ​ന്നാ​ൽ, എ​ന്റെ ക​വി​ത​ക​ളി​ലെ പ്ര​മേ​യ​ങ്ങ​ളൊ​ന്നും ബോ​ധ​പൂ​ർ​വം തി​ര​ഞ്ഞെ​ടു​ക്ക​പ്പെ​ട്ട​വ​യ​ല്ല. ക​വി​ത​ക​ൾ എ​നി​ക്ക് വീ​ണു​കി​ട്ടാ​റാ​ണ് പ​തി​വ്!

ക​വി​യെ ച​ല​ച്ചി​ത്രം ദ​ത്തെ​ടു​ത്തു​വോ?

‘ഗ​ർ​ഷോ’​മി​ൽ ഗാ​ന​ര​ച​യി​താ​വാ​യി. ഇ​ത് 1999ലെ ​ക​ഥ​യാ​ണ്. അ​തി​നു​മു​ന്നെ, 'സ്വ​പ്ന​വാ​ങ്മൂ​ലം' എ​ന്ന ക​വി​താ​സ​മാ​ഹാ​ര​മെ​ഴു​തി. ക​വി​ത​ക​ൾ ഇ​പ്പോ​ഴു​മെ​ഴു​തു​ന്നു​ണ്ട്. സി​നി​മാ രം​ഗ​ത്തു വ​ന്ന​തി​നു​ശേ​ഷ​മാ​ണ് എ​ന്റെ മി​ക്ക ക​വി​താ​സ​മാ​ഹാ​ര​ങ്ങ​ളും പ്ര​സി​ദ്ധീ​ക​രി​ച്ച​തു​ത​ന്നെ. ‘പാ​റ​യി​ൽ പ​ണി​ഞ്ഞ​ത്’, ‘ആ​ൾ​മ​റ’, ‘ചീ​ട്ടു​ക​ളി​ക്കാ​ർ’, ‘ശി​വ​കാ​മി’, ‘ഗ്രാ​മ​വൃ​ക്ഷ​ത്തി​ലെ വ​വ്വാ​ൽ’, ‘ റ​ഫീ​ക്ക് അ​ഹ​മ്മ​ദി​ന്റെ ക​വി​ത​ക​ൾ’... ആ​ദ്യ നോ​വ​ൽ ‘അ​ഴു​ക്കി​ല്ലം’ എ​ഴു​തി​യ​ത് അ​ടു​ത്ത കാ​ല​ത്ത​ല്ലേ? സി​നി​മ​യി​ൽ തി​ര​ക്കി​ലാ​യി​രി​ക്കു​മ്പോ​ൾ ത​ന്നെ! ഗാ​ന​ര​ച​ന​ക്കു​വേ​ണ്ടി ക​വി​ത​യെ​ഴു​ത്തു നി​ർ​ത്തി​യി​ട്ടി​ല്ല. സ​ർ​ക്കാ​ർ ഉ​ദ്യോ​ഗ​മാ​ണ് വേ​ണ്ടെ​ന്നു​വെ​ച്ച​ത്. വ​ള​ന്റ​റി റി​ട്ട​യ​ർ​മെ​ന്റ് എ​ടു​ത്തു. എ​ല്ലാം ഒ​രു​മി​ച്ചു കൊ​ണ്ടു​പോ​കാ​ൻ ക​ഴി​യു​ന്നി​ല്ല.

പാ​ട്ടി​നാ​ൽ പ്ര​ശ​സ്തി

സി​നി​മ​യി​ൽ പാ​ട്ടെ​ഴു​തു​ന്ന​തു​കൊ​ണ്ടാ​ണ് റ​ഫീ​ക്ക് അ​ഹ​മ്മ​ദ് എ​ന്ന പേ​ര് ഇ​ങ്ങ​നെ പ​റ​ഞ്ഞു​കേ​ൾ​ക്കു​ന്ന​ത്. ഒ​രു പ​ക്ഷേ, അ​തി​നാ​ലാ​യി​രി​ക്കാം ജ​ന​ങ്ങ​ളെ​ന്റെ ക​വി​ത​ക​ൾ വാ​യി​ക്കു​ന്ന​തും! കാ​ര്യ​മാ​യൊ​രു സ​ന്ദേ​ശം സാ​ധാ​ര​ണ​ക്കാ​രി​ലെ​ത്തി​ക്കാ​ൻ ഏ​റ്റ​വും ഫ​ല​പ്ര​ദ​മാ​യ​ത് ച​ല​ച്ചി​ത്ര​ഗാ​ന​ങ്ങ​ളാ​ണ്. ഗൗ​ര​വ​രൂ​പ​മു​ള്ള ക​വി​ത​ക​ൾ​ക്ക് പൊ​തു​ജ​ന​ത്തി​ന്റെ പ്രീ​തി നേ​ടാ​ൻ പെ​ട്ടെ​ന്നു ക​ഴി​യി​ല്ല. ഗാ​ന​മെ​ഴു​ത്ത് ഇ​ല്ലാ​യി​രു​ന്നു​വെ​ങ്കി​ൽ ഞാ​ൻ ഇ​വി​ടെ ജീ​വി​ച്ചി​രി​പ്പു​ണ്ടെ​ന്നു​ത​ന്നെ പ​ല​രും അ​റി​യു​മാ​യി​രു​ന്നി​ല്ല! മ​ല​യാ​ളി​ക​ളു​ടെ ക​വി​ത​യാ​ണ് ച​ല​ച്ചി​ത്ര​ഗാ​ന​ങ്ങ​ൾ. ഭാ​സ്ക​ര​ൻ മാ​ഷും ഒ.​എ​ൻ.​വി സാ​റു​മൊ​ക്കെ ഒ​രേ​സ​മ​യ​ത്ത് ക​വി​ക​ളും ഗാ​ന​ര​ച​യി​താ​ക്ക​ളു​മാ​യി​രു​ന്നു. ത​മ്പി സാ​ർ ഇ​ന്നും ര​ണ്ടു​മ​ല്ലേ! സി​നി​മാ​പാ​ട്ട് ക​വി​ത​യേ​ക്കാ​ൾ വേ​ഗ​ത്തി​ൽ ജ​ന​കീ​യ​മാ​കു​ന്നു. ‘മ​ര​ണ​മെ​ത്തു​ന്ന നേ​ര​ത്തി’​ന്റെ സ്വീ​കാ​ര്യ​ത​യും സ്വാ​ധീ​ന​വും ഇ​തി​ലേ​ക്കാ​ണ് വി​ര​ൽ​ചൂ​ണ്ടു​ന്ന​ത്. എ​ന്നാ​ൽ, സ​ന്ദേ​ശ​മെ​ത്തി​ക്കു​ന്ന​തി​ൽ ക​വി​ത​യ്ക്കൊ​രു ബ​ദ​ലാ​യി​രി​ക്കാ​ൻ ച​ല​ച്ചി​ത്ര​ഗാ​ന​ത്തി​നു പ​രി​മി​തി​ക​ളു​ണ്ട്.

നി​യ​ന്ത്രി​ത​മാ​ണ് ഗാ​ന​ങ്ങ​ൾ

ച​ല​ച്ചി​ത്ര​ഗാ​ന​ങ്ങ​ൾ സ്വ​ത​ന്ത്ര​മാ​യൊ​രു കാ​വ്യ​സ​ങ്ക​ൽ​പ​മ​ല്ല. ഒ​രു സി​നി​മ​യി​ലെ ക​ഥ​ക്ക് പൊ​തു​വാ​യോ ഒ​രു പ്ര​ത്യേ​ക സാ​ഹ​ച​ര്യ​ത്തി​നോ വേ​ണ്ടി​യാ​ണ് ഒ​രു ഗാ​ന​മെ​ഴു​തു​ന്ന​ത്. സൃ​ഷ്ടി​ക്കാ​ൻ ഉ​ദ്ദേ​ശി​ക്കു​ന്ന ആ ​മൂ​ഡി​ന​പ്പു​റ​ത്ത് ആ ​ഗാ​ന​ത്തി​നു സ്കോ​പ്പി​ല്ല. പ​ക്ഷേ, സി​നി​മ​ക്കു പു​റ​ത്തു​ള്ള ഒ​രു ക​വി​ത​ക്ക് ഇ​ങ്ങ​നെ​യൊ​രു നി​യ​ന്ത്ര​ണ​മി​ല്ല.

പ്ര​ത്യേ​കി​ച്ച് സ​ന്ദേ​ശ​മൊ​ന്നു​മി​ല്ലാ​ത്ത വ​രി​ക​ളാ​ണ് പ്ര​ണ​യ​ഗാ​ന​ങ്ങ​ൾ. ഈ ​ത​ര​ത്തി​ൽ​പ്പെ​ട്ട പാ​ട്ടു​ക​ളാ​ണ് പ്ര​ണ​യ​ങ്ങ​ളു​ടെ പൊ​തു സ്വീ​കാ​ര്യ​ത​ക്ക് പ​ണ്ടു മു​ത​ലേ കാ​ര​ണ​മാ​യ​തും. പ്ര​ണ​യി​ക്കാ​ത്ത​വ​രും പ്ര​ണ​യ​ഗാ​ന​ങ്ങ​ളു​മാ​യി പ്ര​ണ​യ​ത്തി​ലാ​ണ്!

പു​തി​യ കാ​ലം സ​ങ്കീ​ർ​ണ​മാ​ണ്. ക​വി​ത​യു​ടെ ഭാ​വി അ​പ്ര​വ​ച​നീ​യ​വും. നി​ർ​മി​ത ബു​ദ്ധി​യു​ടെ​യും സൈ​ബോ​ർ​ഗു​ക​ളു​ടെ​യും യു​ഗ​മാ​ണ് വ​രാ​നി​രി​ക്കു​ന്ന​ത്. അ​തി​ന​ക​ത്ത് ക​ല​യും സാ​ഹി​ത്യ​വു​മൊ​ക്കെ എ​ന്താ​യി​രി​ക്കു​മെ​ന്ന് പ്ര​വ​ചി​ക്കാ​നാ​വി​ല്ല. ഇ​ന്ന് എ​ല്ലാം പ​ര​ന്നു​കൊ​ണ്ടി​രി​ക്കു​ന്നു. ആ​ഴ​ങ്ങ​ൾ നി​ക​ന്ന ഒ​രു ലോ​ക​മാ​ണ് ന​മ്മു​ടെ മു​ന്നി​ലു​ള്ള​ത്. ആ​ദ്യം മു​ത​ൽ അ​ക്ഷ​ര​മാ​ല പ​ഠി​പ്പി​ക്കേ​ണ്ടി​വ​രു​ന്ന ഒ​രു കാ​ലം.

ന​വോ​ത്ഥാ​ന പ്ര​സ്ഥാ​ന​ങ്ങ​ളും ശാ​സ്ത്ര ദ​ർ​ശ​ന​ങ്ങ​ളും, ശ്രീ​നാ​രാ​യ​ണ​ഗു​രു​വു​മൊ​ക്കെ ഉ​ഴു​തു​മ​റി​ച്ച ഒ​രു മ​ണ്ണി​ൽ​നി​ന്നു​കൊ​ണ്ട് ഗോ​ളാ​ന്ത​ര യാ​ത്ര​ക്കു​വേ​ണ്ടി പേ​ട​ക​ങ്ങ​ൾ ത​യാ​റാ​ക്കി​ക്ക​ഴി​ഞ്ഞ, ചൊ​വ്വ​യി​ൽ ഭൂ​മി വാ​ങ്ങി​യ​തി​ന്റെ ക​രം വി​ല്ലേ​ജാ​പ്പീ​സി​ൽ ഓ​ൺ​ലൈ​നാ​യി അ​ട​ക്കാ​ൻ വ​രെ വ​ള​ർ​ന്നു​ക​ഴി​ഞ്ഞ ഒ​രു ലോ​ക​ത്തി​രു​ന്നു​കൊ​ണ്ട് ആ​ർ​ത്ത​വം അ​ശു​ദ്ധ​മോ എ​ന്നാ​ണ് ന​മ്മ​ൾ ച​ർ​ച്ച ചെ​യ്യു​ന്ന​ത്! ജാ​തി ചോ​ദി​ച്ചാ​ൽ എ​ന്താ എ​ന്നാ​ണ് ചോ​ദി​ക്കു​ന്ന​ത്! ഉ​ളു​പ്പി​ല്ലാ​ത്ത ഒ​രു സ​മൂ​ഹ​മാ​യി ന​മ്മ​ൾ മാ​റി​ക്ക​ഴി​ഞ്ഞി​രി​ക്കു​ന്നു.

ക​വി​ത​യി​ലേ​ക്കു​ത​ന്നെ വ​രാം. ഭാ​ഷ​കൊ​ണ്ടു​ള്ള ആ​വി​ഷ്കാ​ര​ത്തി​ന്റെ സാ​ധ്യ​മാ​യ പ​ര​മോ​ന്ന​ത രൂ​പം എ​ന്ന നി​ല​യി​ലാ​ണ് ക​വി​ത​യെ ഞാ​ൻ കാ​ണു​ന്ന​ത്. സൂ​ചി​പ്പി​ച്ച​തു​പോ​ലെ, സൈ​ബ​ർ​യു​ഗം വ​ലി​യ സാം​സ്കാ​രി​ക കു​തി​ച്ചു​ചാ​ട്ട​ങ്ങ​ൾ​ക്ക് വ​ഴി​യൊ​രു​ക്കി​യെ​ങ്കി​ലും, ക​വി​ത എ​ന്ന ആ​വി​ഷ്കാ​ര രൂ​പ​ത്തി​ന്റെ അ​ടി​സ്ഥാ​ന സ്വ​ത്വ​ത്തെ അ​ത് ലാ​ഘ​വ​പ്പെ​ടു​ത്തി എ​ന്നാ​ണെ​ന്റെ നി​രീ​ക്ഷ​ണം. നി​ങ്ങ​ളു​ടെ ക​ണ്ണു​ക​ളെ പെ​ട്ടെ​ന്ന് ആ​ക​ർ​ഷി​ക്കാ​നു​ള്ള യു​ക്തി​ക​ളെ​യാ​ണ് അ​തി​പ്പോ​ൾ തേ​ടു​ന്ന​ത്. നി​ങ്ങ​ളു​ടെ മ​ന​സ്സി​ലേ​ക്ക് ക​യ​റി അ​വി​ടെ പ​റ്റി​പ്പി​ടി​ച്ചി​രി​ക്കാ​ൻ പു​രോ​ഗാ​മി​ക​ളാ​യി അ​വ​ത​രി​ച്ചി​രി​ക്കു​ന്ന അ​ക്കാ​ദ​മി​ക്കു​ക​ളും അ​തി​നു​മേ​ൽ അ​ന​വ​ധി ച​ര​ടു​ക​ൾ ബ​ന്ധി​ച്ചു​ക​ഴി​ഞ്ഞി​രി​ക്കു​ന്നു. പൊ​ളി​റ്റി​ക്ക​ൽ ക​റ​ക്റ്റ്ന​സ്സി​നെ​ക്കു​റി​ച്ചു​ള്ള ശു​ദ്ധി​വാ​ദം അ​തി​ലൊ​ന്നാ​ണ്.

ലാ​വ​ണ്യാം​ശ​ത്തെ​യും എ​ഴു​ത്തി​ന്റെ അ​ബോ​ധ​ത​ല​ങ്ങ​ളെ​യും പാ​ടെ നി​രാ​ക​രി​ക്കു​ന്ന സാം​സ്കാ​രി​ക വി​മ​ർ​ശ​ന പ​ദ്ധ​തി​യും സ​ർ​ഗാ​ത്മ​ക​ത​യു​ടെ സ്വാഛ​ന്ദ്യ​ത്തെ കെ​ടു​ത്തി​ക്ക​ള​യു​ന്നു. എ​ങ്കി​ലും പ്ര​തീ​ക്ഷി​ക്കു​ന്നു, തെ​ളി​മ​യും നേ​രു​മു​ള്ള ഒ​രു നാ​ളെ​യെ!