കൊച്ചി: ലാല്‍, ലാല്‍ ജൂനിയര്‍ എന്നിവര്‍ ചേര്‍ന്ന് സംവിധാനം ചെയ്യുന്ന 'സുനാമി' എന്ന ചിത്രത്തിെൻറ പ്രൊമോ വിഡിയോ സോങ് പുറത്തിറങ്ങി. സൂപ്പര്‍ താരങ്ങളടക്കം ഇരുപതിലധികം താരങ്ങൾ തങ്ങളുടെ ഫേസ്ബുക്കിലൂടെ ഒരേസമയം പാട്ട് റിലീസ് ചെയ്യുകയായിരുന്നു.
'മരത്തിൽ ഉണ്ടാക്കിയ വട്ടത്തിലെ റാേട്ട' എന്ന് തുടങ്ങുന്ന ഗാനം സിനിമയിലെ താരങ്ങളായ ഇന്നസെൻറ്, ലാൽ, മുകേഷ്, സുരേഷ് കൃഷ്ണ, അജു വർഗീസ്, ബാലു വർഗീസ്, ഉണ്ണി കാർത്തികേയൻ, നേഹ എസ്. നായർ എന്നിവരാണ് പാടിയിരിക്കുന്നത്. അനൂപ് വേണുേഗാപാൽ, നിഥിൻ മൈക്കിൾ, അലക്സ് ജെ. പുളിക്കൽ, യക്സാൻ ഗാരി പെരേര, ജസീർ എന്നിവർ കോറസിൽ അണിനിരന്നു. ലാലിെൻറ വരികൾക്ക് യക്സാൻ ഗാരി പെരേരയും നേഹ എസ്. നായരും ചേർന്നാണ് സംഗീതമൊരുക്കിയത്.
പാന്‍ഡ ഡാഡ പ്രൊഡക്ഷന്സിെൻറ ബാനറില്‍ അലന്‍ ആൻറണിയാണ് ചിത്രം നിർമ്മിക്കുന്നത്. അരുണ്‍, സിനോജ് വർഗീസ്, ബൈജു കുട്ടന്‍, ആരാധ്യ ആന്‍, നിഷ മാത്യു, ദേവി അജിത്, വത്സല മേനോന്‍, ശിൽപ, സ്മിനു തുടങ്ങിയവരും ചിത്രത്തിൽ അഭിനയിക്കുന്നുണ്ട്.
തിരക്കഥ, സംഭാഷണം ലാല്‍ എഴുതുന്നു. അലക്സ് ജെ. പുളിക്കല്‍ ആണ് ഛായാഗ്രഹണം. എഡിറ്റര്‍-രതീഷ് രാജ്, എക്സിക്യൂട്ടിവ് പ്രൊഡ്യൂസര്‍-അനൂപ് വേണുഗോപാല്‍, പ്രൊഡക്ഷന്‍ കണ്‍ട്രോളര്‍-അനീഷ് പെരുമ്പിലാവ്, കല-പ്രതാപ് രവീന്ദ്രന്‍, വസ്ത്രാലങ്കാരം-പ്രവീണ്‍ വര്‍മ്മ, മേക്കപ്പ്-ആര്‍.ജി. വയനാടന്‍, ചീഫ് അസോസിയേറ്റ് ഡയറക്ടര്‍-നിതിന്‍ മൈക്കിള്‍, സ്റ്റില്‍സ്-ഷിജിന്‍ പി. രാജ്, പരസ്യകല-ഹെസ്ടണ്‍ ലിനോ, പ്രൊഡക്ഷന്‍ എക്സിക്യൂട്ടിവ്-ജസ്റ്റിന്‍ കൊല്ലം, വാര്‍ത്താപ്രചരണം-എ.എസ്. ദിനേശ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.