ജൈ​വ വൈ​വി​ധ്യ പെ​രു​മ​യി​ൽ അ​ൽ​ഉ​ല

യാം​ബു: സൗ​ദി അ​റേ​ബ്യ​യി​ലെ അ​തി​പ്രാ​ചീ​ന ന​ഗ​ര​വും ലോ​ക​പൈ​തൃ​ക കേ​ന്ദ്ര​ങ്ങ​ളി​ലൊ​ന്നു​മാ​യ അ​ൽ​ഉ​ല അ​തു​ല്യ​മാ​യ പാ​രി​സ്ഥി​തി​ക വൈ​വി​ധ്യ​ങ്ങ​ളാ​ലും ശ്ര​ദ്ധേ​യം. മ​ദീ​ന പ്ര​വി​ശ്യ​യി​ലെ വ​ട​ക്കു​ഭാ​ഗ​ത്ത് സ്ഥി​തി​ചെ​യ്യു​ന്ന ഇ​വി​ടം സ​മൃ​ദ്ധ​മാ​യ ജ​ല​വും വ​ള​ക്കൂ​റു​ള്ള കൃ​ഷി ഭൂ​മി​യും പ്ര​കൃ​തി​സു​ന്ദ​ര​മാ​യ പ​ർ​വ​ത​പ്ര​ദേ​ശ​ങ്ങ​ളും ഫ​ല​ഭൂ​യി​ഷ്ഠ​മാ​യ മ​രു​പ്പ​ച്ച​ക​ളും ധാ​രാ​ള​മു​ള്ള ഇ​ട​മാ​ണ്.

മ​ദീ​ന​യി​ൽ​നി​ന്നും ഇ​വി​ടേ​ക്ക് 400 കി​ലോ മീ​റ്റ​ർ ദൂ​ര​മാ​ണു​ള്ള​ത്. വ​ന്യ​ജീ​വി​ക​ളെ​യും പ്ര​കൃ​തി വി​ഭ​വ​ങ്ങ​ളെ​യും സം​ര​ക്ഷി​ക്കേ​ണ്ട​തി​െൻറ പ്രാ​ധാ​ന്യ​ത്തെ​ക്കു​റി​ച്ച്​ പാ​രി​സ്ഥി​തി​ക അ​വ​ബോ​ധം വ​ർ​ധി​പ്പി​ക്കു​ന്ന​തി​നും പ്ര​കൃ​തി​ദ​ത്ത പ​രി​സ്ഥി​തി​യും ജൈ​വ​വൈ​വി​ധ്യ​വും സം​ര​ക്ഷി​ക്കു​ന്ന​തി​നും വി​വി​ധ പ​ദ്ധ​തി​ക​ൾ അ​ടു​ത്തി​ടെ ആ​വി​ഷ്​​ക​രി​ച്ച്​ ന​ട​പ്പാ​ക്കി​യി​രു​ന്നു.

വി​വി​ധ ഗ​ൾ​ഫ് രാ​ജ്യ​ങ്ങ​ൾ ത​മ്മി​ലു​ള്ള പ്രാ​ദേ​ശി​ക സ​ഹ​ക​ര​ണം വ​ർ​ധി​പ്പി​ക്കാ​നും ത​ന​താ​യ പാ​രി​സ്ഥി​തി​ക വൈ​വി​ധ്യ​വും സു​സ്ഥി​ര​ത​യും പ്രോ​ത്സാ​ഹി​പ്പി​ക്കു​ന്ന​തി​നും വി​വി​ധ പ​രി​പാ​ടി​ക​ളാ​ണ് അ​ൽ​ഉ​ല ഗ​വ​ർ​ണ​റേ​റ്റി​െൻറ മേ​ൽ​നോ​ട്ട​ത്തി​ൽ സം​ഘ​ടി​പ്പി​ച്ച​ത്. വ​ന്യ​ജീ​വി, സ​സ്യ​ല​താ​ദി വൈ​വി​ധ്യ​ങ്ങ​ളെ​യും പ്ര​കൃ​തി​യു​ടെ ത​ന​താ​യ അ​വ​സ്ഥ​യെ​യും സം​ര​ക്ഷി​ച്ച്​ നി​ല​നി​റു​ത്തു​ന്ന​തി​ന്​ അ​ൽ​ഉ​ല റോ​യ​ൽ ക​മീ​ഷ​നും റെ​ഡ് സീ ​ഗ്ലോ​ബ​ൽ ക​മ്പ​നി​യും ചേ​ർ​ന്ന്​ നി​ര​വ​ധി പ​ദ്ധ​തി​ക​ൾ പൂ​ർ​ത്തി​യാ​ക്കി.

ദേ​ശാ​ട​ന പ​ക്ഷി​ക​ൾ​ക്കും സ​സ്യ​ജാ​ല​ങ്ങ​ൾ​ക്കും പു​റ​മേ മാ​ൻ, ഐ​ബെ​ക്സ് തു​ട​ങ്ങി​യ ജീ​വി​വ​ർ​ഗ​ങ്ങ​ളു​ടെ​യും സ്വാ​ഭാ​വി​ക ആ​വാ​സ​കേ​ന്ദ്ര​മാ​ക്കി മാ​റ്റാ​നും ഒ​രു​ക്കി​യ സം​വി​ധാ​ന​ങ്ങ​ളും ഫ​ലം ക​ണ്ടു. പ്ര​കൃ​തി സം​ര​ക്ഷ​ണം, വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വി​ക​ളെ പു​ന​ര​ധി​വ​സി​പ്പി​ക്ക​ൽ, പ്രാ​ദേ​ശി​ക സ​സ്യ​ങ്ങ​ൾ ന​ട്ടു​പി​ടി​പ്പി​ക്ക​ൽ, പ​രി​സ്ഥി​തി സം​ര​ക്ഷ​ണ​ത്തി​ൽ പ്രാ​ദേ​ശി​ക സ​മൂ​ഹ​ത്തി​ൻ്റെ പ​ങ്ക് വ​ർ​ധി​പ്പി​ക്കു​ന്ന​തി​നു​ള്ള ബോ​ധ​വ​ൽ​ക്ക​ര​ണ പ​രി​പാ​ടി​ക​ൾ എ​ന്നി​വ അ​ൽ​ഉ​ല റോ​യ​ൽ ക​മീ​ഷ​ൻ ന​ട​പ്പാ​ക്കി.

മ​ദാ​ഇ​ൻ സ്വാ​ലി​ഹ് ഉ​ൾ​പ്പെ​ടു​ന്ന അ​ൽ​ഉ​ല ഗ​വ​ർ​ണ​റേ​റ്റി​ലെ പു​രാ​വ​സ്തു മേ​ഖ​ല അ​റേ​ബ്യ​ൻ ഉ​പ​ദീ​പി​ലെ ഏ​റ്റ​വും പ്ര​ധാ​ന​പ്പെ​ട്ട ച​രി​ത്ര പൈ​തൃ​ക കേ​ന്ദ്ര​മാ​ണ്. 2008ൽ ​യു​നെ​സ്‌​കോ​യു​ടെ ലോ​ക പൈ​തൃ​ക പ​ട്ടി​ക​യി​ൽ സൗ​ദി​യി​ൽ​നി​ന്ന് ആ​ദ്യം ഇ​ടം പി​ടി​ച്ച കേ​ന്ദ്ര​മാ​ണി​ത്. ച​രി​ത്ര​ത്തി​ൽ ഒ​രു കാ​ല​ത്ത് വ​ൻ പ്ര​താ​പ​ത്തോ​ടെ അ​റി​യ​പ്പെ​ടു​ക​യും പി​ന്നീ​ട് നാ​മാ​വ​ശേ​ഷ​മാ​കു​ക​യും ചെ​യ്ത മ​ദാ​ഇ​ൻ സ്വാ​ലി​ഹ് അ​ൽ​ഉ​ല ഗ​വ​ർ​ണ​റേ​റ്റി​ന് കീ​ഴി​ലാ​ണ്. 13.5 കി​ലോ​മീ​റ്റ​റോ​ളം ചു​റ്റ​ള​വി​ൽ വ്യാ​പി​ച്ചു കി​ട​ക്കു​ന്ന പ്ര​ദേ​ശം വി​നോ​ദ സ​ഞ്ചാ​രി​ക​ളു​ടെ​യും ച​രി​ത്ര​കു​തു​കി​ക​ളു​ടെ​യും ഇ​ഷ്​​ട കേ​ന്ദ്ര​മാ​ണ്.