കയ്പമംഗലം: ബ്ലോക്ക് പഞ്ചായത്തംഗത്തിന്റെ നിശ്ചയദാർഢ്യവും ജനകീയ കൂട്ടായ്മയുടെ കരുത്തും ഒന്നിച്ചപ്പോൾ മതിലകം ബ്ലോക്ക് പഞ്ചായത്തിലെ ഡിവിഷൻ 14ൽ 10 കുടുംബങ്ങൾക്ക് തല ചായ്ക്കാനിടമായി.
സ്നേഹവീടുകൾ എന്ന് പേരിട്ട ഭവനങ്ങളുടെ കൈമാറ്റ ഉദ്ഘാടനം പെരിഞ്ഞനം വെസ്റ്റ് ആറാട്ടുകടവിൽ സി.പി.എം ജില്ല സെക്രട്ടറി എം.എം. വർഗീസ് നിർവഹിച്ചു. സ്വാഗതസംഘം ചെയർമാൻ പി.കെ. ചന്ദ്രശേഖരൻ അധ്യക്ഷത വഹിച്ചു.
മതിലകം ബ്ലോക്ക് പഞ്ചായത്ത് ഡിവിഷൻ 14 ലെ ബ്ലോക്ക് പഞ്ചായത്തംഗം ആർ.കെ. ബേബിയുടെ നേതൃത്വത്തിൽ ആസ്റ്റർ ഡി.എം ഫൗണ്ടേഷന്‍റെയും സി.പി.എമ്മിന്റെയും പൊതുജനങ്ങളുടെയും സാമ്പത്തിക സഹായത്തോടെയാണ് നിർധനരായ 10 കുടുംബങ്ങൾക്ക് വീടെന്ന സ്വപ്നം യാഥാർഥ്യമാക്കിയത്.
ആസ്റ്റർ ഡി.എം ഫൗണ്ടേഷൻ പ്രതിനിധികളെ ജില്ല പഞ്ചായത്ത് പ്രസിഡന്റ് പി.കെ. ഡേവിസ് ആദരിച്ചു. ജില്ല പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ പി.എം. അഹമ്മദ്, ഏരിയ സെക്രട്ടറിമാരായ കെ.കെ. അബീദലി, എം.എ. ഹാരിസ് ബാബു, ജില്ല കമ്മിറ്റി അംഗം കെ.വി. രാജേഷ്, ആസ്റ്റർ ഡി.എം ഫൗണ്ടേഷൻ സീനിയർ മാനേജർ ലത്തീഫ്, പെരിഞ്ഞനം പഞ്ചായത്ത് പ്രസിഡന്റ് വിനീത മോഹൻദാസ്, പി.എ. സുധീർ, ആർ.കെ. ബേബി എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.