മനാമ: ഉരുളക്കിഴങ്ങ് ട്രെയിലറിൽ മയക്കുമരുന്ന് ഒളിപ്പിച്ചുകടത്തിയ കേസിലെ ഏഴു പ്രതികളെ റിമാൻഡ് ചെയ്തു. ഒമ്പതു സ്വദേശികളും എട്ട് ഏഷ്യൻ വംശജരും ചേർന്നാണ് 33 കിലോ ഹഷീഷ് കടത്താൻ ശ്രമിച്ചത്. ഒരു ഏഷ്യ രാജ്യത്തുനിന്നെത്തിയ ഷിപ്മെന്‍റിലാണ് ഹഷീഷ് ഒളിപ്പിച്ചിരുന്നത്.
ഒന്നു മുതൽ മൂന്നു വരെയുള്ള പ്രതികളാണ് മയക്കുമരുന്ന് വിപണനമുദ്ദേശിച്ച് രാജ്യത്തെത്തിക്കാൻ ശ്രമിച്ചത്. നാലു മുതൽ ഒമ്പതു വരെയുള്ള പ്രതികൾ ഇതിന് സഹായം നൽകാമെന്നും സമ്മതിച്ചിരുന്നു. പോർട്ട് കസ്റ്റംസ് വിഭാഗമാണ് ഇത് കണ്ടെത്തിയത്. നാലാം പ്രതി ഷിപ്മെന്‍റ് ഏറ്റുവാങ്ങാനെത്തിയതിനെ തുടർന്ന് പിടികൂടി ചോദ്യം ചെയ്യുകയും കൂട്ടുപ്രതികളെക്കുറിച്ച് വിവരം നൽകുകയും ചെയ്തു. ഇതിനെ തുടർന്ന് മറ്റു പ്രതികളും പിടിയിലാവുകയായിരുന്നു. 16ാം തീയതി ഒന്നാം ക്രിമിനൽ കോടതി വിധി പറയും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.