മനാമ: അര്ജൻറീന വിദേശകാര്യ മന്ത്രാലയ അണ്ടര് സെക്രട്ടറി കരോള റാമോനുമായി വിദേശ കാര്യ മന്ത്രി ഡോ. അബ്ദുല്ലത്തീഫ് ബിന് റാഷിദ് സയാനി കൂടിക്കാഴ്ച നടത്തി. ബഹ്റൈനിലേ ക്ക് കരോളയെ സ്വാഗതംചെയ്ത മന്ത്രി ഇരുരാജ്യങ്ങളും തമ്മില് നിലനില്ക്കുന്ന ബന്ധവും വിവിധ മേഖലകളിലെ സഹകരണവും പ്രതീക്ഷയുണര്ത്തുന്നതാണെന്ന് വിലയിരുത്തി.
ബഹ്റൈനുമായി ബന്ധം ശക്തമാക്കാന് ആഗ്രഹിക്കുന്നതായി വ്യക്തമാക്കിയ കരോള വിവിധ മേഖലകളില് ബഹ്റൈന് കൈവരിച്ച നേട്ടങ്ങളെ പ്രകീര്ത്തിക്കുകയും ചെയ്തു. പുതുതായി ചുമതലയേറ്റ ഡോ. അബ്ദുല്ലത്തീഫിന് കാര്യക്ഷമമായും ഫലപ്രദമായും പ്രവര്ത്തിക്കാന് സാധിക്കട്ടെയെന്നും അവര് ആശംസിച്ചു. എല്ലാ മേഖലകളിലും ബഹ്റൈന് ഉത്തരോത്തരം വളര്ച്ച പ്രാപിക്കാന് സാധിക്കട്ടെയെന്നും ആശംസിച്ചു. കൂടിക്കാഴ്ചയില് മന്ത്രാലയ അണ്ടര് സെക്രട്ടറി ഡോ. അബ്ദുല്ല ബിന് അഹ്മദ് ആല് ഖലീഫയും സന്നിഹിതനായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.