ഗംഗൻ തൃക്കരിപ്പൂർ, റോജി ജോൺ, ഫിലിപ് വർഗീസ്
മനാമ: ഡിസംബറിനകം 50 രക്തദാന ക്യാമ്പുകൾ സംഘടിപ്പിക്കുമെന്ന് ബ്ലഡ് ഡോണേഴ്സ് കേരള (ബി.ഡി.കെ) ബഹ്റൈൻ ചാപ്റ്റർ വാർഷിക യോഗം തീരുമാനിച്ചു. ഒറ്റക്കും വിവിധ സംഘടനകളുമായി ചേർന്നുമാണ് സൽമാനിയ മെഡിക്കൽ കോംപ്ലക്സിലും കിങ് ഹമദ് യൂനിവേഴ്സിറ്റി ഹോസ്പിറ്റലിലും ബി.ഡി.എഫ് ഹോസ്പിറ്റലിലും രക്തദാന ക്യാമ്പുകൾ നടത്തിവരുന്നത്. കോവിഡ് കാലഘട്ടത്തിലും രക്തദാന ക്യാമ്പുകൾ മുടങ്ങാതെ സംഘടിപ്പിക്കാനും പ്ലാസ്മ ചികിത്സക്കുള്ള ഡോണർമാരെ കണ്ടെത്താനും ബി.ഡി.കെ ബഹ്റൈൻ ചാപ്റ്റർ സജീവമായി പ്രവർത്തിക്കുന്നതായും ഭാരവാഹികൾ അറിയിച്ചു.
ബ്ലഡ് ഡോണേഴ്സ് കേരള സ്റ്റേറ്റ് ജനറൽ സെക്രട്ടറി സനൽ ലാൽ, സ്റ്റേറ്റ് എക്സിക്യൂട്ടിവ് അംഗവും ബഹ്റൈൻ ചാപ്റ്റർ എക്സിക്യൂട്ടിവ് കമ്മിറ്റിയുടെ സ്ഥിരം ക്ഷണിതാവുമായ ബിജു കുമ്പഴ എന്നിവർ പങ്കെടുത്ത വാർഷികയോഗം പുതിയ ഭാരവാഹികളെ തെരഞ്ഞെടുത്തു.
രക്ഷാധികാരി: ഡോ: പി.വി. ചെറിയാൻ, ചെയർമാൻ: കെ.ടി. സലീം, പ്രത്യേക ക്ഷണിതാവ്: ബിജു കുമ്പഴ (ജി.സി.സി കോഒാഡിനേറ്റർ), പ്രസിഡൻറ്: ഗംഗൻ തൃക്കരിപ്പൂർ, വൈസ് പ്രസിഡൻറ്: മിഥുൻ, സിജോ, ജനറൽ സെക്രട്ടറി: റോജി ജോൺ, സെക്രട്ടറി: അശ്വിൻ, രമ്യ ഗിരീഷ്, ട്രഷറർ: ഫിലിപ് വർഗീസ്. ലേഡീസ് വിങ് കൺവീനർമാർ: ശ്രീജ ശ്രീധരൻ, രേഷ്മ ഗിരീഷ്, ബ്ലഡ് ഡൊണേഷൻ ക്യാമ്പ് ചീഫ് കോഓഡിനേറ്റർ: സുരേഷ് പുത്തൻ വിളയിൽ, ക്യാമ്പ് കോഒാഡിനേറ്റർമാർ: സാബു അഗസ്റ്റിൻ, രാജേഷ് പന്മന, ജിബിൻ ജോയി, മീഡിയ വിങ് കൺവീനർമാർ: സുനിൽ, കെ.വി. ഗിരീഷ്, എക്സി.കമ്മിറ്റി അംഗങ്ങൾ: ഗിരീഷ് പിള്ള, ആനി എബ്രഹാം, അസീസ് പള്ളം, വിനീത വിജയൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.