മികവ് പുലര്‍ത്തുന്ന ബഹ്റൈനി ഡോക്ടര്മാര്ക്ക് നല്‍കുന്ന അവാര്‍ഡിനുള്ള ലോഗോ പ്രകാശനച്ചടങ്ങിൽ നിന്ന്
മനാമ: പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫയുടെ നാമധേയത്തിലുള്ള, മികവുപുലര്‍ത്തുന്ന ബഹ്റൈനി ഡോക്ടര്മാര്ക്ക് നല്‍കുന്ന അവാര്‍ഡിനുള്ള ലോഗോ പ്രകാശനം ചെയ്തു.
പ്രധാനമന്ത്രി കാര്യാലയ അണ്ടര്‍ സെക്രട്ടറി ശൈഖ് മുഹമ്മദ് ബിന്‍ റാഷിദ് ആല്‍ ഖലീഫയാണ് പ്രകാശനം നിര്‍വഹിച്ചത്. ലോഗോ തയാറാക്കിയ അബ്ദുല്‍ അസീസ് അബ്ദുല്‍ ഹമീദ് ഇസ്മാഈലിനെ അദ്ദേഹം ആദരിച്ചു.
217 പേര്‍ 482 ലോഗോകള്‍ മത്സരത്തിനായി സമര്‍പ്പിച്ചതില്‍നിന്നാണ് മികച്ചത് തെരഞ്ഞെടുത്തത്. ചടങ്ങില്‍ ശൈഖ് ഹുസാം ബിന്‍ ഈസ ആല്‍ ഖലീഫ, ആരോഗ്യമന്ത്രി ഫാഇഖ ബിന്‍ത് സഈദ് അസ്സാലിഹ് എന്നിവരും സന്നിഹിതരായിരുന്നു. വിഡിയോ തയാറാക്കിയ വിദ്യാര്‍ഥി അബ്ദുറഹ്മാൻ അസ്സയ്യിദിനെയും ചടങ്ങില്‍ ആദരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.