മനാമ: മലയാളം മിഷൻ ബഹ്റൈൻ ചാപ്റ്ററിന്റെ കീഴിൽ ഫ്രന്റ്സ് സോഷ്യൽ അസോസിയേഷൻ നടത്തുന്ന മലയാളം പാഠശാല മനാമ, റിഫ കാമ്പസുകളിൽ പ്രവേശനോത്സവം സംഘടിപ്പിക്കുന്നു. ജൂൺ 12ന് നടക്കുന്ന പ്രവേശനോത്സവത്തോടെ പുതിയ അധ്യയന വർഷത്തിന് ആരംഭം കുറിക്കും. രണ്ട് കാമ്പസുകളിലായി പാഠശാല വിദ്യാർഥികളുടെ വിവിധ കലാപരിപാടികളോടെ നടത്തുന്ന പരിപാടിയിൽ മലയാളം മിഷൻ ബഹ്റൈൻ ചാപ്റ്റർ ജനറൽ സെക്രട്ടറി ബിജു എം. സതീഷ്, അസി. സെക്രട്ടറി രജിത അനി എന്നിവർ മുഖ്യാതിഥികളായി പങ്കെടുക്കും. ഫ്രന്റ്സ് ബഹ്റൈൻ മലയാളം പാഠശാല മുഖ്യ രക്ഷാധികാരി എം.എം. സുബൈർ മനാമ കാമ്പസ് പ്രവേശനോത്സവം ഉദ്ഘാടനം ചെയ്യും.
റിഫ കാമ്പസ് പ്രവേശനോത്സവം ഉദ്ഘാടനം നിർവഹിക്കുന്നത് ഫ്രന്റ്സ് ബഹ്റൈൻ വനിത വിഭാഗം ജന. സെക്രട്ടറി ശൈമില നൗഫലാണ്. കണിക്കൊന്ന, സൂര്യകാന്തി ക്ലാസുകളിലേക്കുള്ള അഡ്മിഷൻ ആരംഭിച്ചിരിക്കുന്നു. കൂടുതൽ വിവരങ്ങൾക്കായി 3651 3453, 3628 8575 (മനാമ), 3318 1941 (റിഫ) എന്നീ നമ്പറുകളിൽ ബന്ധപ്പെടാവുന്നതാണെന്ന് മലയാളം പാഠശാല കോഓഡിനേറ്റർ ഷാനവാസ് പുത്തൻവീട്ടിൽ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.