മനാമ: ഹോപ്പ് ബഹ്‌റൈൻ ബി.എം.സിയുമായി സഹകരിച്ചു സംഘടിപ്പിക്കുന്ന സോഫ്റ്റ്ബാൾ ക്രിക്കറ്റ്‌ ടൂർണമെന്റ് ഹോപ്പ് പ്രീമിയർ ലീഗ് സീസൺ 2 വെള്ളിയാഴ്ച സിഞ്ച് അൽ അഹ്‌ലി സ്റ്റേഡിയത്തിൽ നടക്കും. കൊല്ലം പ്രവാസി അസോസിയേഷൻ, വോയ്‌സ് ഓഫ് ആലപ്പി, പത്തനംതിട്ട ജില്ല പ്രവാസി അസോസിയേഷൻ, പാക്ട് ബഹ്‌റൈൻ -പാലക്കാട്‌, വോയ്‌സ് ഓഫ് മാമ്പ -കണ്ണൂർ, കോട്ടയം പ്രവാസി കൂട്ടായ്മ, ഗ്ലോബൽ തിക്കോടിയൻസ് ഫോറം -കോഴിക്കോട്, തലശ്ശേരി ബഹ്‌റൈൻ, കെ.എം.സി.സി കാസർകോട്, പ്രതിഭ ബഹ്‌റൈൻ, ലാൽ കേയേഴ്‌സ് ബഹ്‌റൈൻ, പെറ്റ് ലവേഴ്സ് ബഹ്‌റൈൻ എന്നി 12 ടീമുകൾ മാറ്റുരക്കുന്ന ടൂർണമെന്റ് രാവിലെ ഏഴ് മുതൽ 12 വരെയും വൈകീട്ട് ഏഴ് മുതൽ 12 വരെയുമായുള്ള രണ്ട് ഭാഗങ്ങളായാണ് നടക്കുന്നത്. ആരവം മരം ബാൻഡ്, മിന്നൽ ബീറ്റ്സ് എന്നീ സംഗീത ബാൻഡുകൾ മത്സര ഇടവേളകളിൽ കാണികൾക്ക് കലാവിരുന്നൊരുക്കും. എല്ലാ കായികപ്രേമികളെയും ക്രിക്കറ്റിന്റെ മാമാങ്കത്തിലേക്ക് സ്വാഗതം ചെയ്യുന്നതായി ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.