കേരളീയ സമാജത്തിൽ നടക്കുന്ന ബി.കെ.എസ് ഇന്തോ-ബഹ്റൈൻ ഡാൻസ് &മ്യൂസിക് ഫെസ്റ്റിവലിൽ പത്മവിഭൂഷൺ ജേതാവുകൂടിയായ ഉമയാൾപുരം കാശിവിശ്വനാഥ ശിവരാമൻ അവതരിപ്പിച്ച മൃദംഗം. ഫോട്ടോ: സത്യൻ പേരാമ്പ്ര
മനാമ: ഇന്ത്യൻ എംബസിയുടെയും ബഹ്റൈൻ അതോറിറ്റി ഓഫ് കൾചർ ആൻഡ് ആൻറിക്വിറ്റീസിന്റെയും സഹായ സഹകരണത്തോടെ, കലാ സാംസ്കാരിക പ്രസ്ഥാനമായ സൂര്യയുടെ സഹകരണത്തോടെ ബഹ്റൈൻ കേരളീയ സമാജത്തിൽ നടന്നുവരുന്ന ഇന്തോ ബഹ്റൈൻ മ്യൂസിക് ഡാൻസ് ഫെസ്റ്റിവലിൽ ഇന്ന് ഫൈസൽ അൽ കുഹിജിയുടെ സംഗീതപരിപാടി നടക്കും. രാത്രി 7.30 മുതലാണ് അനുഗ്രഹീത മ്യുസീഷ്യനും അറബ് സംഗീതോപകരണമായ ഊദ് വാദകനുമായ ഫൈസൽ അൽ കുഹുജിയുടെ സംഗീത പരിപാടി.
ഇന്നലെ പ്രശസ്ത മൃദംഗ വിദ്വാനും പത്മവിഭൂഷൻ ജേതാവുമായ ഉമയാൾപുരം കാശി വിശ്വനാഥ ശിവരാമന്റെ നേതൃത്വത്തിൽ കർണാട്ടിക് താളവാദ്യവും താള ളവാദ്യത്തോടൊപ്പം പ്രശ്വനാഥ് ഉപാധ്യായയുടെ ഭരതനാട്യവും അരങ്ങേറി.
ഉമയാൾപുരത്തിന്റെ മൃദംഗവാദനത്തോടൊപ്പം വിനയ് ശർവ- വോക്കൽ,ആമിത് നാടിഗ് - പുല്ലാങ്കുഴൽ,ആദിത്യ - നാട്ടുവാഗം , ട്രിവാൻഡ്രം ഹരിഹരൻ - ജതി,കൊന്നക്കോൽ എന്നിവർ അകമ്പടി സംഗീതം അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.