രാജാവ് ഹമദ് ബിൻ ഈസ ആൽ ഖലീഫ റോയൽ ബഹ്റൈൻ എയർഫോഴ്സ് ആസ്ഥാനം സന്ദർശിക്കുന്നു
മനാമ: റോയൽ ബഹ്റൈൻ എയർഫോഴ്സ് ആസ്ഥാനം രാജാവ് ഹമദ് ബിൻ ഈസ ആൽ ഖലീഫ സന്ദർശിച്ചു. ബഹ്റൈൻ ഡിഫൻസ് ഫോഴ്സിന്‍റെ 54ാമത് വാർഷികത്തോടനുബന്ധിച്ചായിരുന്നു സന്ദർശനം. ബി.ഡി.എഫ് കമാൻഡർ ഇൻ ചീഫ് ഫീൽഡ് മാർഷൽ ശൈഖ് ഖലീഫ ബിൻ അഹ്മദ് ആൽ ഖലീഫ, പ്രതിരോധകാര്യ മന്ത്രി ലഫ്. ജനറൽ അബ്ദുല്ല ബിൻ ഹസൻ അന്നുഐമി, ചീഫ് ഓഫ് സ്റ്റാഫ് ലഫ്. ജനറൽ ദിയാബ് ബിൻ സഖർ അന്നുഐമി എന്നിവരുടെ നേതൃത്വത്തിൽ ഹമദ് രാജാവിനെ സ്വീകരിച്ചു.
ദേശീയ സുരക്ഷ ഉപദേഷ്ടാവും യുവജന, ചാരിറ്റി കാര്യങ്ങൾക്കായുള്ള ഹമദ് രാജാവിന്‍റെ പ്രതിനിധിയുമായ ശൈഖ് നാസിർ ബിൻ ഹമദ് ആൽ ഖലീഫ, സ്പെഷൽ റോയൽ ഗാർഡ് മേധാവി ലഫ്. ജനറൽ ശൈഖ് ഖാലിദ് ബിൻ ഹമദ് ആൽ ഖലീഫ എന്നിവരും രാജാവിനൊപ്പം അനുഗമിച്ചിരുന്നു. റോയൽ ബഹ്റൈൻ എയർഫോഴ്സ് മേധാവി അഡ്മിറൽ ശൈഖ് ഹമദ് ബൻ അബ്ദുല്ല ഹമദ് രാജാവിനും സംഘത്തിനും സ്വാഗതമാശംസിച്ചു. ഈസ എയർബേസിൽ നടന്ന ആഘോഷ പരിപാടിയിൽ ഹമദ് രാജാവ് തന്‍റെ കാഴ്ചപ്പാടുകൾ പങ്കുവെക്കുകയും ബി.ഡി.എഫിന്‍റെ വിവിധ വിഭാഗങ്ങളുടെ പ്രവർത്തനത്തിൽ സംതൃപ്തി രേഖപ്പെടുത്തുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.