മനാമ: കൊല്ലം പ്രവാസി അസോസിയേഷൻ സൽമാബാദ് ഏരിയ കമ്മിറ്റിയുടെ നേതൃത്വത്തിൽ, ലോക രക്തദാന ദിനത്തോടനുബന്ധിച്ച് സൽമാനിയ മെഡിക്കൽ കോംപ്ലക്സ് ബ്ലഡ് ബാങ്കിൽ സംഘടിപ്പിച്ച സ്നേഹസ്പർശം 10ാമത് രക്തദാന ക്യാമ്പ് ശ്രദ്ധേയമായി. 50ൽപരം പ്രവാസികൾ രക്തദാനം നടത്തിയ ക്യാമ്പ് സാമൂഹിക പ്രവര്‍ത്തകൻ കെ.ടി. സലിം ഉദ്ഘാടനം ചെയ്തു.സൽമാബാദ് ഏരിയ പ്രസിഡന്റ് ലിനീഷ് പി. ആചാരി അധ്യക്ഷത വഹിച്ചു.
ചടങ്ങിൽ ഏരിയ സെക്രട്ടറി ജോസ് ജി. മങ്ങാട് സ്വാഗതവും കോഓഡിനേറ്റർ രജീഷ് പട്ടാഴി നന്ദിയും അറിയിച്ചു.സാമൂഹികപ്രവർത്തകൻ കെയ് മെയ്ത്തിക്, മുസ്തഫ സുനിൽ, കെ.പി.എ പ്രസിഡന്റ് നിസാർ കൊല്ലം, ജനറൽ സെക്രട്ടറി ജഗത് കൃഷ്ണകുമാർ, സെക്രട്ടറി സന്തോഷ് കാവനാട്, സെക്രട്ടറി അനോജ് മാസ്റ്റർ, അസി. ട്രഷറർ ബിനു കുണ്ടറ, പ്രവാസിശ്രീ പ്രതിനിധി ജ്യോതി പ്രമോദ്, ഷാമില, ഏരിയ കോഓഡിനേറ്റർ സലിം തയ്യിൽ, ഏരിയ ജോ. സെക്രട്ടറി ഗ്ലാൻസൺ, ബ്ലഡ് ഡൊണേഷൻ കോഓഡിനേറ്റർ വി.എം. പ്രമോദ് എന്നിവർ ആശംസകൾ അറിയിച്ചു.
കെ.പി.എ സെൻട്രൽ, ഡിസ്ട്രിക്ട് കമ്മിറ്റി, പ്രവാസിശ്രീ അംഗങ്ങൾ ക്യാമ്പ് സന്ദർശിച്ചു. കെ.പി.എയുടെ സ്നേഹസ്പർശം 11ാമത് രക്തദാന ക്യാമ്പ് മുഹറഖ്- ഹിദ്ദ് ഏരിയയുടെ നേതൃത്വത്തിൽ ജൂൺ 16ന് കിങ് ഹമദ് ഹോസ്പിറ്റലിൽ നടക്കുമെന്ന് ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.