ലാല്‍കെയേഴ്സ് ഫാന്‍സ് ഷോ പരിപാടികളിൽനിന്ന്
മനാമ: നടന്‍ മോഹന്‍ലാല്‍ ആദ്യമായി സംവിധാനം ചെയ്ത ത്രീഡി ചിത്രമായ ബറോസിന് സ്വീകരണം നൽകി ബഹ്റൈനിലെ മോഹന്‍ലാല്‍ ആരാധകരുടെ കൂട്ടായ്മയായ ലാല്‍കെയേഴ്സ് ഫാന്‍സ് ഷോ ഉള്‍പ്പെടെ പരിപാടികള്‍ നടത്തി.
കോഓഡിനേറ്റര്‍ ജഗത് കൃഷ്ണകുമാര്‍ നിയന്ത്രിച്ച ചടങ്ങുകളില്‍ പ്രസിഡന്റ് എഫ്.എം. ഫൈസല്‍ അധ്യക്ഷത വഹിച്ചു. തെന്നിന്ത്യന്‍ താരവും കൊച്ചി മെട്രോ ഷോര്‍ട്ട് ഫിലിം സൊസൈറ്റി സാരഥിയുമായ നടന്‍ രവീന്ദ്രന്‍ ആഘോഷ പരിപാടികള്‍ ഉദ്ഘാടനം ചെയ്തു. സെക്രട്ടറി ഷൈജു കന്‍പ്രത്ത് സ്വാഗതവും ട്രഷറര്‍ അരുണ്‍ജി നെയ്യാര്‍ നന്ദിയും പറഞ്ഞു.
മനാമ ദാന മാളിലെ എപ്പിക്സ് തിയറ്ററില്‍ നടന്ന പരിപാടികള്‍ക്ക് എപ്പിക്സ് പ്രധിനിധി മനോജ്, ബഹ്റൈന്‍ പോളിടെക്നിക്കിലെ അധ്യാപകനായ ആനന്ദ് എന്നിവര്‍ ആശംസകളര്‍പ്പിച്ചു സംസാരിച്ചു. വൈഷ്ണവിയും സംഘവും ചേര്‍ന്നവതരിപ്പിച്ച മോഹന്‍ലാല്‍ സിനിമകളിലെ പാട്ടുകള്‍ കോര്‍ത്തിണക്കിയുള്ള ഫ്ലാഷ് മോബ് ഡാന്‍സുകള്‍ പ്രേക്ഷകര്‍ കൗതുകത്തോടെയും ഹര്‍ഷാരവത്തോടെയുമാണ് ഏറ്റെടുത്തത്. ഗോപേഷ് അടൂര്‍, അരുണ്‍ തൈക്കാട്ടില്‍, നന്ദന്‍, വൈശാഖ്, കിരീടം ഉണ്ണി, ഹരി, ബിബിന്‍, പ്രദീപ് ബവിത്, വിഷ്ണു, വിപിന്‍, നിതിന്‍, അഖില്‍ എന്നിവര്‍ നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.