മൈത്രി സോഷ്യൽ അസോസിയേഷൻ അംഗത്വ കാമ്പയിൻ ഉദ്ഘാടനം കിംസ് ഹോസ്പിറ്റൽ ചീഫ് ഓപറേറ്റിങ് ഓഫിസർ താരീഖ് നജീബിന് മെംബർഷിപ് നൽകി മൈത്രി ജനറൽ സെക്രട്ടറി സുനിൽ ബാബു നിർവഹിക്കുന്നു
മനാമ: മൈത്രി സോഷ്യൽ അസോസിയേഷൻ ബഹ്റൈൻ 2022-24 വർഷത്തേക്കുള്ള അംഗത്വ പ്രചാരണ കാമ്പയിൻ ഉദ്ഘാടനം കിംസ് ഹോസ്പിറ്റൽ ചീഫ് ഓപറേറ്റിങ് ഓഫിസർ താരീഖ് നജീബിന് മെംബർഷിപ് നൽകി മൈത്രി ജനറൽ സെക്രട്ടറി സുനിൽ ബാബു നിർവഹിച്ചു. മൈത്രി ട്രഷറർ അബ്ദുൽ ബാരി, മെംബർഷിപ് കോഓഡിനേറ്റർ അൻഷാദ് അഞ്ചൽ, വൈസ് പ്രസിഡന്റ് സക്കീർ ഹുസൈൻ, ചാരിറ്റി കോഓഡിനേറ്റർ ഷിബു ബഷീർ, ചീഫ് കോഓഡിനേറ്റർ നവാസ് കുണ്ടറ, എക്സിക്യൂട്ടിവ് അംഗങ്ങളായ ഷാജഹാൻ, റിയാസ് എന്നിവർ പങ്കെടുത്തു.
എറണാകുളം മുതൽ തിരുവനന്തപുരം വരെയുള്ള ജില്ലകളിലെ പ്രവാസികളെ ഉൾപ്പെടുത്തി അഞ്ചു വർഷം മുമ്പ് രൂപവത്കരിച്ചതാണ് മൈത്രി സോഷ്യൽ അസോസിയേഷൻ. ദക്ഷിണ കേരളത്തിലെ പ്രവാസി സമൂഹത്തിന് താങ്ങും തണലുമായി വർത്തിക്കാനും അവരെ സാമൂഹിക, സാംസ്കാരിക വിദ്യാഭ്യാസ, കുടുംബ, മേഖലകളിൽ ഉന്നതിയിലെത്തിക്കാനും കൂട്ടായ്മ ശ്രമിക്കുന്നു. ജൂലൈ 25 വരെ നീണ്ടുനിൽക്കുന്ന മെംബർഷിപ് കാമ്പയിനിൽ തെക്കൻ മേഖലയിലുള്ള ബഹ്റൈനിലെ പ്രവാസികൾക്ക് അംഗത്വമെടുക്കാവുന്നതാണ്. കൂടുതൽ വിവരങ്ങൾക്ക് പ്രസിഡന്റ് നൗഷാദ് മഞ്ഞപ്പാറ (3434 3410), സെക്രട്ടറി സുനിൽ ബാബു (33532669), ട്രഷറർ അബ്ദുൽ ബാരി (3375 6193), മെംബർഷിപ് കോഓഡിനേറ്റർ അൻഷാദ് അഞ്ചൽ എന്നിവരെ ബന്ധപ്പെടാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.