മലർവാടി മഴവില്ല് മെഗാ ചിത്രരചന മത്സരത്തിന്റെ ഗ്രാൻഡ് ഫിനാലെയിൽനിന്ന്
മനാമ: ബഹ്റൈനിലെ പ്രവാസി വിദ്യാർഥികളിൽ വിജ്ഞാനത്തോടൊപ്പം സർഗാത്മകതയും വളർത്തിയെടുക്കുന്നതിന് ഫ്രൻഡ്സ് സോഷ്യൽ അസോസിയേഷൻ ചിൽഡ്രൻസ് വിഭാഗം മലർവാടി മഴവില്ല് മെഗാ ചിത്രരചന മത്സരത്തിന്റെ ഗ്രാൻഡ് ഫിനാലെ സംഘടിപ്പിച്ചു.
മഖ്‌ഷയിലെ ഇബ്നുൽ ഹൈതം സ്കൂളിൽ നടന്ന മത്സരത്തിൽ കിഡ്സ്, സബ്ജൂനിയർ, ജൂനിയർ വിഭാഗങ്ങളിൽ ഫൈനൽതലത്തിലേക്ക് പ്രവേശനം ലഭിച്ച കുട്ടികൾ അണിനിരന്നു.
പ്രവാസി ബാലസംഘാടന രംഗത്ത് മലര്‍വാടി മുന്നോട്ടുവെക്കുന്ന 'കുട്ടികള്‍ നാളത്തെ പൗരന്മാരല്ല, ഇന്നിന്‍റെതന്നെ പൗരന്മാരാണ്' എന്ന കാഴ്ചപ്പാടിന്റെ സാക്ഷ്യപ്പെടുത്തലായിരുന്നു മലർവാടി മെഗാ ചിത്രരചന. കുട്ടികളുടെ സർഗാത്മക അഭിരുചികൾ മത്സരത്തിൽ മാറ്റുരച്ചു.
ഫ്രൻഡ്സ് അസോസിയേഷൻ പ്രസിഡൻറ് സഈദ് റമദാൻ നദ്വി പരിപാടി ഉദ്‌ഘാടനം ചെയ്തു.
അസ്‌ലം വേളം, സൽമ സജീബ്, സകിയ ടീച്ചർ, നൂറ ടീച്ചർ, ഷബീഹ ഫൈസൽ എന്നിവർ ഇൻവിജിലേറ്റർമാരായിരുന്നു. അബ്ബാസ് മലയിൽ, ജമാൽ ഇരിങ്ങൽ, സുബൈർ എം.എം, മുഹമ്മദ് മുഹ്യുദ്ദീൻ, ഷൗക്കത്ത് അലി, ജലീൽ അബ്ദുല്ല, ഹസീബ ഇർഷാദ്, സകീന അബ്ബാസ്, സെയ്ഫുന്നിസ റഫീഖ്, സമീറ നൗഷാദ്, സമീർ ഹസൻ, എ.എം. ഷാനവാസ്, മുഹമ്മദ് ഷാജി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.