മനാമ: തിരുനബി(സ)യുടെ സ്‌നേഹ ലോകം എന്ന ശീര്‍ഷകത്തില്‍ ഐ.സി.എഫ് നടത്തിവരുന്ന മിലാദ് കാമ്പയിന്‍ സമാപനവും സമസ്ത പ്രസിഡന്റും പണ്ഡിത ശ്രേഷ്ഠരുമായിരുന്ന താജുല്‍ ഉലമ അബ്ദുറഹ്മാന്‍ അല്‍ ബുഖാരി തങ്ങളുടെ അനുസ്മരണവും ഞായറാഴ്ച രാത്രി ഒമ്പതുമണിക്ക് മനാമ ഐ.സി.എഫ് ഓഡിറ്റോറിയത്തിൽ നടക്കും. മീലാദ് കാമ്പയിന്‍ സമാപനത്തിന്റെ ഭാഗമായി ബുർദ മജ്‌ലിസ് നടക്കും.
തിരുനബിയുടെ സ്‌നേഹ സന്ദേശങ്ങള്‍ എല്ലാവരിലേക്കും എത്തിക്കുന്നതിന്റെ ഭാഗമായി ബഹ്‌റൈനിന്റെ എല്ലാ ഭാഗങ്ങളിലും പ്രഭാഷണങ്ങള്‍ സംഘടിപ്പിച്ചു. കുട്ടികളുടെ മിലാദ് പരിപാടികള്‍, ക്വിസ് മത്സരങ്ങള്‍, ലഘുലേഖ വിതരണം തുടങ്ങി ആകര്‍ഷകമായ നിരവധി പരിപാടികള്‍ കാമ്പയിനിന്റെ ഭാഗമായി സംഘടിപ്പിച്ചു. താജുല്‍ ഉലമ അബ്ദുറഹ്മാന്‍ അല്‍ ബുഖാരി തങ്ങളുടെ അനുസ്മരണ സംഗമം ഐ.സി.എഫ് പ്രസിഡന്റ് കെ.സി. സൈനുദ്ദീന്‍ സഖാഫിയുടെ അധ്യക്ഷതയില്‍ നടക്കും. അഡ്വ. എം.സി. അബ്ദുല്‍ കരീം, അബൂബക്കര്‍ ലത്വീഫി, ഷാനവാസ് മദനി എന്നിവര്‍ അനുസ്മരണ പ്രഭാഷണം നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.