മനാമ: ചൈന സന്ദർശിക്കുന്ന പാർലമെന്‍റ് വിദേശകാര്യ സമിതി വൈസ് പ്രസിഡന്‍റ് ഴാങ് ബൗജാനുമായി കൂടിക്കാഴ്ച നടത്തി. പാർലമെന്‍റംഗങ്ങളായ അബ്ദുല്ല ബിൻ ഖലീഫ അൽ റുമൈഹി, ഡോ. മർയം അദ്ദാഇൻ എന്നിവരാണ് സംഘത്തിലുണ്ടായിരുന്നത്. കൂടിക്കാഴ്ചയിൽ ചൈനീസ് പാർലമെന്‍റ് വിദേശകാര്യ സമിതി ഹെഡ് ജിയാങ് ജിൻബിങ്, സമിതിയംഗം വാങ് ഹോങ്ഹോങ് എന്നിവരും സന്നിഹിതരായിരുന്നു.
ബഹ്റൈനും ചൈനയും തമ്മിൽ നിലനിൽക്കുന്ന ബന്ധവും വിവിധ മേഖലകളിലെ സഹകരണവും ശക്തമായ നിലയിലാണെന്ന് വിലയിരുത്തുകയും കൂടുതൽ മേഖലകളിൽ സഹകരണം വ്യാപിപ്പിക്കുന്നതിനുള്ള ആശയങ്ങൾ പങ്കുവെക്കുകയും ചെയ്തു. വ്യാപാര, സാമ്പത്തിക, രാഷ്ട്രീയ, പാർലമെന്‍ററി, സാമൂഹിക സുരക്ഷ മേഖലകളിലെ സഹകരണവുമായി ബന്ധപ്പെട്ട കാര്യങ്ങളും ചർച്ച ചെയ്തു. ചൈനീസ് പാർലമെന്‍റുമായി സഹകരണം ശക്തമാക്കുന്നതിന്‍റെ ഭാഗമായി ഔദ്യോഗിക ക്ഷണപ്രകാരമാണ് ബഹ്റൈൻ പാർലമെന്‍റ് വിദേശകാര്യ സമിതി സന്ദർശനം നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.