എൻ.കെ. പ്രേമചന്ദ്രൻ എം.പിയും സി.ആർ. മഹേഷ് എം.എൽ.എയും കൊല്ലം പ്രവാസി അസോസിയേഷൻ ആസ്ഥാനം സന്ദർശിച്ചപ്പോൾ
മനാമ: ബഹ്റൈനിൽ സന്ദർശനത്തിന് എത്തിയ കൊല്ലം ലോക്‌സഭ അംഗം എൻ.കെ. പ്രേമചന്ദ്രനും, കരുനാഗപ്പള്ളി നിയമസഭ അംഗം സി.ആർ. മഹേഷും കൊല്ലം പ്രവാസി അസോസിയേഷൻ ആസ്ഥാനം സന്ദർശിച്ചു.
കെ.പി.എ പ്രസിഡന്റ് അനോജ് മാസ്റ്റർ അധ്യക്ഷത വഹിച്ച ചടങ്ങിൽ ഇരുവരെയും പൊന്നാട അണിയിച്ച് ആദരിച്ചു. പ്രവാസികളുടെ ക്ഷേമത്തിൽ ഊന്നിയുള്ള പ്രവർത്തനങ്ങൾക്ക് എല്ലാവിധ സഹായ സഹകരണങ്ങളും അസോസിയേഷന് ആശംസകളും നേരുന്നുവെന്ന് മറുപടി പ്രസംഗത്തിൽ എൻ.കെ. പ്രേമചന്ദ്രനും സി.ആർ. മഹേഷും പറഞ്ഞു. കെ.പി.എ മുൻ പ്രസിഡന്റ് നിസാർ കൊല്ലം, കെ.പി.എ സുവനീർ വിളക്കുമരം അതിഥികൾക്ക് കൈമാറി. ഗഫൂർ കൈപ്പമംഗലം, റഹിം വാവക്കുഞ്ഞു എന്നിവർ ആശംസകൾ പറഞ്ഞു.
ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതവും ട്രഷറർ മനോജ് ജമാൽ നന്ദിയും പറഞ്ഞു. സെക്രട്ടേറിയറ്റ് കമ്മിറ്റി അംഗങ്ങളായ കോയിവിള മുഹമ്മദ്, അനിൽകുമാർ, രജീഷ് പട്ടാഴി, കൃഷ്ണകുമാർ എന്നിവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.